Read Twi Asante Hosea 8 Bible Online

Hosea 8 - Twi Asante bible

Hosea 8

¹ Fa totorobɛnto tua w’ano; ɛbɛba AWURADE fie so sɛ ɔkɔdeɛ; ɛfiri sɛ wɔafomfom m’apam na wɔato me mmara.

²Me na wɔbɛsu afrɛ me sɛ: Me Nyankopɔn, yɛni wo, yɛn a yɛyɛ Israel.

³Papa ayɛ Israel nwunu; ma ɔtamfoɔ nti wɔn ɛ!

⁴ Wɔn deɛ, wɔasisi ahene, na ɛmfiri me, wɔasisi mmapɔmma, nso mennim. Wɔn dwetɛ ne wɔn sika, wɔde ayeyɛ ahoni a ɛbɛsɛe wɔn.

⁵ Samaria, wo nantwie ba no ho yɛ nwunu, m’abufuo asɔ atia wɔn; ɛnkɔsi da bɛn na wɔrentumi ɔbra a ɛho teɛ bɔ?

⁶ Na Israel mu na ɛno fire; odwumfoɔ na ɔyɛeɛ, ɛnyɛ Onyame ne no, na Samaria nantwie no, wɔbɛbubu no pasaa.

⁷ Na mframa na wɔguo, na ahum nso na wɔbɛtwa. Ayuo a ɛgyina hɔ nni mu; deɛ ɛfifire no, wɔyam a, wɔnnya mu siam; sɛ ebi wɔ mu mpo a, ahɔhoɔ na ɛbɛdie.

⁸ Wɔamene Israel, afei wɔte amanaman mu sɛ adeɛ bi a ani bi nsɔ.

⁹ Na wɔn deɛ, wɔaforo kɔ Asiria; ewiram afunumu na ɔno nko ate ne ho; Efraim abobɔ adɔfoɔ paa.

¹⁰Sɛ wɔabobɔ amanaman mu bi paa nso a, afei mɛboa wɔn ano, na ahemfo mu hene no nhyɛsoɔ nti, wɔn so afiri aseɛ ahwan.

¹¹Na Efraim ama afɔrebukyia adɔɔso de ayɛ bɔne, afɔrebukyia no adane wɔn bɔneyɛ.

¹²Matwerɛ me mmara dodoɔ no mama wɔn, wɔbuu no sɛ amannɔne adeɛ.

¹³ M’ayɛyɛdeɛ afɔdeɛ a wɔbɔ no, ɛnam nko na wɔkum die; AWURADE ani nsɔ; afei ɔbɛkae wɔn amumuyɛ na wabɛtwe wɔn aso, wɔ wɔn bɔne ho; Misraim na wɔbɛsane akorɔ.

¹⁴ Na Israel werɛ afiri ne yɛfoɔ, na wɔasisi aban fɛfɛ, na Yuda ama nkuro a ɛyɛ den adɔ; nanso mɛto ne kuro mu gya, na ahye n’aban a ɛkorɔn no.