Read Twi Asante Amos 8 Bible Online

Amos 8 - Twi Asante bible

Amos 8

¹Sei na AWURADE Nyankopɔn maa mehunuiɛ, na hwɛ, nnuaba a abereɛ wɔ kɛntɛn mu.

² Na ɔbisaa sɛ: Amos, ɛdeɛn na wohunu yi? Na mese: Nnuaba a abereɛ kɛntɛn. Na AWURADE ka kyerɛɛ me sɛ: Awieeɛ no aduru ama me man Israel, merenkɔ so mensiane wɔn mu bio.

³ Na asɔrefie nnwom bɛdane adwotwa ɛda no, AWURADE Nyankopɔn asɛm nie, afunu no bɛdɔɔso, na wɔde kommyɛ bɛtoto wɔn agu mmaa nyinaa.

⁴ Montie yei, mo a moregye ahiafoɔ amene sɛ moresɛe asase so amanehunufoɔ,

⁵ na mobisa sɛ: Da bɛn na bosome foforɔ bɛtwam na yɛatɔn ayuo, ne homeda, na yɛabue ɛsan ano, na yɛayɛ efa ketewa, na yɛama n’abrammoɔ ayɛ kɛseɛ, na yɛakyea nsania de asisie?

⁶ Na yɛama dwetɛ de atɔ mmɔborɔni, na yɛde mpaboa atɔ ohiani, na yɛatɔn ayuo ase deɛ ɛguguo no.

⁷AWURADE aka Yakob ahokyerɛ ntam sɛ: Me werɛ remfiri wɔn nneyɛɛ nyinaa da biara da!

⁸ Yei nti asase renwoso na ɛsofoɔ nyinaa renni abooboo anaa? Na asase mu nyinaa bɛpuhu sɛ Asubɔnten Nil, na wɔbɛfono no na atwe sɛ Misraim asuo no.

⁹ Na ɛda no, AWURADE Nyankopɔn asɛm nie, mɛma owia atɔ awiaberɛ, na mɛma sum aduru asase so awia ketee.

¹⁰ Na madanedane mo nnapɔnna mu abooboo ne mo nnwom nyinaa kwadwom, na mama ayitoma akyekyere asene nyinaa, na atipa aba etire nyinaa so; na mama no ayɛ sɛ ɔba korɔ ho abooboodie, na n’awieeɛ ayɛ sɛ da a ɛyɛ nwono.

¹¹Hwɛ, nna bi reba, AWURADE Nyankopɔn asɛm nie, sɛ mɛma ɛkɔm aba asase no soɔ, ɛnyɛ aduanekɔm anaa sukɔm, na AWURADE asɛm tie deɛ.

¹² Na wɔbɛkyini afiri po ano akɔ po ano, na wɔawɔ ntwɛtwɛdɛ afiri atifi fam akɔsi apueeɛ fam, sɛ wɔrehwehwɛ AWURADE asɛm akyiri kwan, na wɔrenhunu.

¹³Ɛda no, sukɔm nti mmabaa a wɔn ho yɛ fɛ ne mmeranteɛ bɛtotɔ piti,

¹⁴wɔn a wɔkeka Samaria asodie ntam, na wɔse: Sɛ wo, Dan, wo nyame te aseɛ yi! ne: Sɛ Beer-seba kwan te aseɛ yi! no, wɔn deɛ, wɔbɛtotɔ na wɔrensɔre bio.