Read Twi Asante Numeri 33 Bible Online

Numeri 33 - Twi Asante bible

Numeri 33

¹Yeinom ne akwan a Israelfoɔ twaeɛ berɛ a Mose ne Aaron dii wɔn anim de wɔn firi Misraim asase soɔ no, sɛdeɛ wɔn dɔm ahodoɔ no teɛ.

²Mose twerɛɛ faako a wɔtu firiiɛ ne akwan a wɔtwaeɛ, sɛdeɛ AWURADE hyɛɛ no no, na yeinom ne wɔn akwantuo mu asoɛeɛ firi faako a wɔtutu firiiɛ no:

³ Bosome a ɛdi kan no mu wɔtu firii Rameses; bosome a ɛdi kan no da a ɛtɔ so dunum, Twam no akyi, adeɛ kyeeɛ, na Israelfoɔ de ahosɛpɛ kɛseɛ firi kɔeɛ wɔ Misraimfoɔ nyinaa anim;

⁴ na Misraimfoɔ resie wɔn mmakan a AWURADE kunkumm wɔn mu no nyinaa; na wɔn anyame no nso, AWURADE buu wɔn atɛn.

⁵ Na Israelfoɔ no tu firii Rameses kɔkyeree nsraban Sukot.

⁶ Na wɔtu firii Sukot kɔkyeree nsraban Etam a ɛwɔ nsɛnoa.

⁷ Na wɔtu firii Etam dane baa Pi-hahirot a ɛwɔ Baal-sefon anim, na wɔkyeree nsraban Migdol anim.

⁸ Na wɔtu firii Hahirot anim kɔtwaa ɛpo no kɔɔ ɛserɛ so, na wɔnantee Etam serɛ so nnansa kwan kɔkyeree nsraban Mara.

⁹ Na wɔtu firii Mara baa Elim; na Elim na na nsuo aniwa dummienu ne nkyiresua aduɔson wɔ, na wɔkyeree hɔ nsraban.

¹⁰Na wɔtu firii Elim kɔkyeree nsraban Mmɛwa Po ano.

¹¹ Na wɔtu firii Mmɛwa Po ano kɔkyeree nsraban Sin serɛ so.

¹²Na wɔtu firi Sin serɛ so kɔkyeree nsraban Dofka.

¹³Na wɔtu firii Dofka kɔkyeree nsraban Alus.

¹⁴ Na wɔtu firii Alus kɔkyeree nsraban Refidim; na ɛhɔ na ɔman no annya nsuo annom.

¹⁵ Na wɔtu firii Refidim kɔkyeree nsraban Sinai serɛ so.

¹⁶ Na wɔtu firii Sinai serɛ so kɔkyeree nsraban Kibrot-hataawa.

¹⁷ Na wɔtu firii Kibrot-hataawa kɔkyeree nsraban Haserot.

¹⁸ Na wɔtu firii Haserot kɔkyeree nsraban Ritma.

¹⁹Na wɔtu firii Ritma kɔkyeree nsraban Rimon-peres.

²⁰Na wɔtu firii Rimon-peres kɔkyeree nsraban Libna.

²¹Na wɔtu firii Libna kɔkyeree nsraban Risa.

²²Na wɔtu firii Risa kɔkyeree nsraban Kehelata.

²³Na wɔtu firii Kehelata kɔkyeree nsraban Sefer bepɔ so.

²⁴Na wɔtu firii Sefer bepɔ so kɔkyeree nsraban Harada.

²⁵Na wɔtu firii Harada kɔkyeree nsraban Makhelot.

²⁶Na wɔtu firii Makhelot kɔkyeree nsraban Tahat.

²⁷Na wɔtu firii Tahat kɔkyeree nsraban Tara.

²⁸Na wɔtu firii Tara kɔkyeree nsraban Mitka.

²⁹Na wɔtu firii Mitka kɔkyeree nsraban Hasmona.

³⁰Na wɔtu firii Hasmona kɔkyeree nsraban Moserot.

³¹ Na wɔtu firii Moserot kɔkyeree nsraban Bene-yaakan.

³²Na wɔtu firii Bene-yaakan kɔkyeree nsraban Hor-hagidgad.

³³ Na wɔtu firii Hor-hagidgad kɔkyeree nsraban Yotbata.

³⁴Na wɔtu firii Yotbata kɔkyeree nsraban Abrona.

³⁵Na wɔtu firii Abrona kɔkyeree nsraban Esion-geber.

³⁶ Na wɔtu firii Esion-geber kɔkyeree nsraban Sin serɛ so, (ɛne Kades).

³⁷ Na wɔtu firii Kades kɔkyeree nsraban Hor bepɔ ho, Edom asase ano.

³⁸Na Ɔsɔfoɔ Aaron foro kɔɔ Hor bepɔ so, sɛdeɛ AWURADE hyɛɛ no no, kɔwuu wɔ hɔ, Israelfoɔ Misraim asase so fire afe a ɛtɔ so aduanan soɔ, bosome a ɛtɔ so nnum no da a ɛdi kan.

³⁹Na Aaron wuu Hor bepɔ soɔ no, na wadi mfirinhyia ɔha aduonu mmiɛnsa.

⁴⁰ Na Kanaanni, Arad hene a ɔte Negeb no tee sɛ Israelfoɔ no reba.

⁴¹Na wɔtu firii Hor bepɔ ho kɔkyeree nsraban Salmona.

⁴²Na wɔtu firii Salmona kɔkyeree nsraban Punon.

⁴³ Na wɔtu firii Punon kɔkyeree nsraban Obot.

⁴⁴ Na wɔtu firii Obot kɔkyeree nsraban Iye-abarim, Moab hyeɛ so.

⁴⁵Na wɔtu firii Iyim kɔkyeree nsraban Dibon-gad.

⁴⁶Na wɔtu firii Dibon-gad kɔkyeree nsraban Almon-diblataim.

⁴⁷ Na wɔtu firii Almon-diblataim kɔkyeree nsraban Abarim mmepɔ so, Nebo ntentensoɔ.

⁴⁸ Na wɔtu firii Abarim mmepɔ so kɔkyeree nsraban Moab mpaperɛ so, Yordan fa a ɛbɛn Yeriko no.

⁴⁹ Na wɔkyeree Yordan ho nsraban firi Bet-yesimot kɔsii Abel-sitim, Moab mpaperɛ so.

⁵⁰Na AWURADE kasa kyerɛɛ Mose Moab mpaperɛ so, Yordan fa a ɛbɛn Yeriko no sɛ:

⁵¹Kasa kyerɛ Israelfoɔ no sɛ: Sɛ motwa Yordan kɔ Kanaan asase so a,

⁵²ɛnneɛ mompamo asase no sotefoɔ nyinaa mfiri mo anim, na monsɛe wɔn aboɔ ahoni nyinaa, na wɔn ahoni a wɔaguo no, monsɛe ne nyinaa, na monsɛe wɔn nsorɔnsorɔmmea nyinaa.

⁵³Na momfa asase no ntena so, na mo na mede asase no mama mo sɛ monni soɔ.

⁵⁴ Na momfa tontobɔ so nkyɛ asase no mu mma mo mmusuakuo no: Abusuakuo a ɛso no, momma ne kyɛfa nso, na deɛ ɛsua no, momma ne kyɛfa nsua; deɛ obiara tonto bɛbɔ no, ɛhɔ na ɛnyɛ ne deɛ; monnyegye mo kyɛfa sɛdeɛ mo nananom mmusuakuo teɛ.

⁵⁵ Na sɛ moampamo asase no sotefoɔ amfiri mo anim a, ɛnneɛ wɔn mu wɔn a mobɛgya wɔn no bɛdane mo aniwa mu nkasɛɛ ne mo mfe mu nnunsini, na wɔateetee mo, asase a mote soɔ no so.

⁵⁶Na sɛdeɛ mesusuu sɛ mɛyɛ wɔn no, saa ara na mɛyɛ mo.