Read Twi Asante Numeri 7 Bible Online

Numeri 7 - Twi Asante bible

Numeri 7

¹ Na Mose wiee tenabea no sie, na ɔsraa ho ngo, na ɔyɛɛ no ne ɛho nnoɔma nyinaa ne afɔrebukyia no ne ɛho nnoɔma nyinaa kronkron, na ɔsraa ho ngo na ɔyɛɛ ho kronkron no,

²Israel mmapɔmma, wɔn mpanimfie so atitire a wɔyɛ mmusuakuo no asafohempanin a wɔhwɛ wɔn a wɔkan wɔn no soɔ no de ayɛyɛdeɛ bae.

³Na wɔde wɔn ayɛyɛdeɛ baa AWURADE anim. Nteaseɛnam a ɛso wɔ nkatasoɔ nsia ne anantwie dummienu; mmapɔmma baanu de nteaseɛnam baako, na obiara de nantwie baako; na wɔde baa tenabea no anim.

⁴Na AWURADE ka kyerɛɛ Mose sɛ:

⁵Gye no wɔn nsam, na wɔmfa nyɛ ahyiaeɛ ntomadan no ho adwuma, na fa ma Lewifoɔ no, obiara sɛdeɛ n’adwuma teɛ.

⁶Na Mose de nteaseɛnam ne anantwie no maa Lewifoɔ no.

⁷Ɔde nteaseɛnam mmienu ne anantwie nnan maa Gerson mma sɛdeɛ wɔn adwuma teɛ,

⁸ na ɔde nteaseɛnam nnan ne anantwie nwɔtwe maa Merari mma, sɛdeɛ wɔn adwuma teɛ, wɔ Ɔsɔfoɔ Aaron ba Itamar nsam;

⁹ na Kohat mma deɛ, wamma wɔn bi, ɛfiri sɛ wɔn adwuma ne sɛ wɔsoa kronkronbea ho nnoɔma no wɔn mmatiri soɔ.

¹⁰ Na mmapɔmma no de afɔrebukyia no adwiradeɛ bae, da a wɔsraa no ngo no; na wɔde wɔn ayɛyɛdeɛ baa afɔrebukyia no anim.

¹¹ Na AWURADE ka kyerɛɛ Mose sɛ: Mmapɔmma no mfa wɔn afɔrebukyia dwira ho ayɛyɛdeɛ mmra mmaako mmaako, obiara ne ne da.

¹²Na deɛ ɔde n’ayɛyɛdeɛ baa da a ɛdi kan ne Aminadab ba Nahason a ɔfiri Yuda abusuakuo mu no.

¹³Na n’ayɛyɛdeɛ ne dwetɛ ayowa baako a ano si nnwetɛbena ɔha aduasa; dwetɛ koraa baako a ano si nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

¹⁴sika ayowa baako a ano si nnwetɛbena du a aduhwam ayɛ no ma;

¹⁵nantwinini baako, odwennini baako, odwanten ba baako a wadi afe a wɔde wɔn rekɔbɔ ɔhyeɛ afɔdeɛ;

¹⁶ɔpapo baako a wɔde rekɔbɔ bɔne ho afɔdeɛ;

¹⁷ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Aminadab ba Nahason ayɛyɛdeɛ.

¹⁸Da a ɛtɔ so mmienu no, Suar ba Netanel a ɔyɛ Isakar bapɔmma de bae.

¹⁹N’ayɛyɛdeɛ a ɔde baeɛ ne: Dwetɛ ayowa baako a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

²⁰sika nnwetɛbena du ayowa baako a aduhwam ayɛ no ma;

²¹nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

²²ɔpapo baako a wɔde rekɔbɔ bɔne ho afɔdeɛ;

²³ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Suar ba Netanel ayɛyɛdeɛ.

²⁴Da a ɛtɔ so mmiɛnsa no, Sebulon mma bapɔmma Helon ba Eliab de n’ayɛyɛdeɛ bae.

²⁵N’ayɛyɛdeɛ ne: Dwetɛ ayowa baako a ano si nnwetɛbena ɔha aduasa, dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

²⁶sika nnwetɛbena du ayowa baako a aduhwam ayɛ no ma;

²⁷nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

²⁸ɔpapo baako a wɔde rekɔbɔ bɔne ho afɔdeɛ;

²⁹ne asomdwoeɛ afɔdeɛ deɛ: Anantwie mmienu, adwennini nnum, mpapo nnum nnwanten mma a wɔadi afe afe nnum. Yei ne Helon ba Eliab ayɛyɛdeɛ.

³⁰Da a ɛtɔ so nnan no, Ruben mma bapɔmma Sedeur ba Elisur nso bae.

³¹N’ayɛyɛdeɛ ne: Dwetɛ ayowa baako a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

³²sika nnwetɛbena du ayowa baako a aduhwam ayɛ no ma;

³³nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

³⁴ɔpapo baako a wɔde rekɔbɔ bɔne ho afɔdeɛ;

³⁵ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Sedeur ba Elisur ayɛyɛdeɛ.

³⁶Da a ɛtɔ so nnum no, Simeon mma bapɔmma Surisadai ba Selumiel,

³⁷n’ayɛyɛdeɛ ne: Dwetɛ ayowa baako a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

³⁸sika nnwetɛbena du ayowa baako a aduhwam ayɛ no ma;

³⁹nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

⁴⁰ɔpapo baako a wɔde rekɔbɔ bɔne ho afɔdeɛ;

⁴¹ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Surisadai ba Selumiel ayɛyɛdeɛ.

⁴²Da a ɛtɔ so nsia no, Gad mma bapɔmma Deguel ba Eliasaf.

⁴³N’ayɛyɛdeɛ ne: Dwetɛ ayowa baako a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

⁴⁴sika nnwetɛbena du ayowa baako a aduhwam ayɛ no ma;

⁴⁵nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

⁴⁶ɔpapo baako a wɔde rekɔbɔ bɔne ho afɔdeɛ;

⁴⁷ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Deguel ba Eliasaf ayɛyɛdeɛ.

⁴⁸Da a ɛtɔ so nson no, Efraim mma bapɔmma Amihud ba Elisama bae.

⁴⁹N’ayɛyɛdeɛ ne: Dwetɛ ayowa baako a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

⁵⁰sika nnwetɛbena du ayowa baako aduhwam ayɛ no ma;

⁵¹nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

⁵²ɔpapo baako a wɔde rekɔbɔ bɔne ho afɔdeɛ;

⁵³ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Amihud ba Elisama ayɛyɛdeɛ.

⁵⁴Da a ɛtɔ so nwɔtwe no, Manase mma bapɔmma Pedahsur ba Gamaliel bae.

⁵⁵N’ayɛyɛdeɛ ne: Dwetɛ ayowa baako a ano si nnwetɛbena ɔha aduasa; dwetɛ koraa baako nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

⁵⁶sika nnwetɛbena du ayowa baako a aduhwam ayɛ no ma;

⁵⁷nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

⁵⁸ɔpapo baako a wɔde rekɔbɔ bɔne ho afɔdeɛ;

⁵⁹ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Pedahsur ba Gamaliel ayɛyɛdeɛ.

⁶⁰Da a ɛtɔ so nkron no, Benyamin mma bapɔmma Gideoni ba Abidan bae.

⁶¹N’ayɛyɛdeɛ ne: Dwetɛ ayowa baako a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

⁶²sika nnwetɛbena du ayowa baako a aduhwam ayɛ no ma;

⁶³nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

⁶⁴ɔpapo baako a wɔde rekɔbɔ bɔne ho afɔdeɛ;

⁶⁵ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Gideoni ba Abidan ayɛyɛdeɛ.

⁶⁶Da a ɛtɔ so du no, Dan mma bapɔmma Amisadai ba Ahieser bae.

⁶⁷N’ayɛyɛdeɛ ne: Dwetɛ ayowa a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, esiam a wɔde ngo afɔre de rekɔyɛ aduane afɔdeɛ ayeyɛ no amaama;

⁶⁸sika nnwetɛbena du ayowa baako a aduhwam ayɛ no ma;

⁶⁹nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

⁷⁰ɔpapo baako a wɔde rekɔbɔ bɔne ho afɔdeɛ;

⁷¹ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Amisadai ba Ahieser ayɛyɛdeɛ.

⁷²Da a ɛtɔ so dubaako no, Aser mma bapɔmma Okran ba Pagiel.

⁷³N’ayɛyɛdeɛ ne: Dwetɛ ayowa baako a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

⁷⁴sika nnwetɛbena du ayowa baako a aduhwam ayɛ no ma;

⁷⁵nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

⁷⁶ɔpapo baako a wɔde rekɔbɔ bɔne ho afɔdeɛ;

⁷⁷ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Okran ba Pagiel ayɛyɛdeɛ.

⁷⁸Da a ɛtɔ so dummienu no, Naftali mma bapɔmma Enan ba Ahira.

⁷⁹N’ayɛyɛdeɛ ne dwetɛ ayowa baako a ano si nnwetɛbena ɔha aduasa; dwetɛ koraa baako, nnwetɛbena aduɔson, sɛdeɛ kronkronbea dwetɛbena teɛ; ne mmienu no, na esiam a wɔde ngo afɔre de rekɔyɛ aduane afɔdeɛ ayeyɛ no amaama;

⁸⁰sika nnwetɛbena du ayowa baako a aduhwam ayɛ no ma;

⁸¹nantwinini baako, odwennini baako, odwanten ba baako a wadi afe a wɔde rekɔbɔ ɔhyeɛ afɔdeɛ;

⁸²ɔpapo baako a wɔde rekɔbɔ bɔne ho afɔdeɛ;

⁸³ne asomdwoeɛ afɔdeɛ deɛ: Anantwie mmienu, adwennini nnum, mpapo nnum, nnwanten mma a wɔadi afe afe nnum. Yei ne Enan ba Ahira ayɛyɛdeɛ.

⁸⁴Yei ne adwiradeɛ a ɛda a wɔsraa afɔrebukyia ho ngo no Israel mmapɔmma no de baeɛ: Dwetɛ nyowa dummienu, dwetɛ nkoraa dummienu, sika nyowaa dummienu.

⁸⁵Ayowa no baako yɛ nnwetɛbena ɔha aduasa, na koraa baako yɛ aduɔson, na nnoɔma yi dwetɛ nyinaa ano si nnwetɛbena mpennu ahanan, sɛdeɛ kronkronbea dwetɛbena teɛ;

⁸⁶sika nyowaa a aduhwam ayeyɛ mu amaama dummienu. Ayowa no baako ano si nnwetɛbena du, sɛdeɛ kronkronbea dwetɛbena teɛ, na nyowaa no sika nyinaa yɛ nnwetɛbena ɔha aduonu.

⁸⁷Ɔhyeɛ afɔdeɛ anantwie no nyinaa yɛ anantwinini dummienu, adwennini dummienu, nnwanten mma a wɔadi afe afe dummienu ne wɔn nnuane ne ayɛyɛdeɛ ne bɔne ho afɔdeɛ mpapo dummienu;

⁸⁸na asomdwoeɛ afɔdeɛ anantwie no nyinaa yɛ anantwinini aduonu nnan, adwennini aduosia, mpapo aduosia, nnwanten mma a wɔadi afe afe aduosia. Yei ne afɔrebukyia no sra akyiri adwiradeɛ.

⁸⁹ Na Mose hyɛnee ahyiaeɛ ntomadan no mu sɛ ɔne AWURADE rekɔkasa no, ɔtee ɛnne no sɛ ɛrekasa kyerɛ no firi mpata adwa a ɛwɔ adanseɛ adaka no soɔ no so wɔ kerubim mmienu no ntam; na AWURADE kasa kyerɛɛ no.