Read Twi Asante Sakaria 5 Bible Online

Sakaria 5 - Twi Asante bible

Sakaria 5

¹Na mesane memaa m’ani so mehwɛe, na hwɛ, na nwoma mmobɔeɛ a ɛtuo nie.

²Na ɔka kyerɛɛ me sɛ: Ɛdeɛn na wohunu yi? Na mese: Mehunu nwoma mmobɔeɛ a ɛtuo, ne tentene basafa du, na ne trɛ basafa nnum.

³Na ɔka kyerɛɛ me sɛ: Yei ne nnome a ɛfiri adi fa asase nyinaa ani; na wɔnam so pra awifoɔ nyinaa firi ha na wɔnam so pra ntanhunukafoɔ nyinaa firi ha.

⁴Mama no afiri adi, asafo AWURADE asɛm nie, na abɛhyɛne owifoɔ fie ne deɛ ɔde me din keka ntanhunu fie, na asoɛ ne fie mfimfini, na ahye ɛno ne emu nnua ne emu aboɔ.

⁵Ɛnna ɔbɔfoɔ a ɔne me kasaeɛ no firii adie na ɔbisaa me sɛ: Ma w’ani so hwɛ ɛ, ɛdeɛn na ɛfiri adie yi?

⁶ Na mese: Ɛdeɛn nie? Na ɔse: Efa susudeɛ a ɛfiri adie no nie. Na ɔse: Yei ne wɔn ahwɛdeɛ, asase nyinaa so.

⁷Na hwɛ, wɔmaa sumpii boɔ kurukuruwa bi so, na ɔbaa baako a ɔte efa no mu nie.

⁸Na ɔse: Abɔnefosɛm nie. Na ɔtoo no twenee efa susudeɛ no mu, na ɔtoo sumpii boɔ no twenee ano.

⁹Ɛnna memaa m’ani so mehwɛeɛ, na hwɛ, na mmaa baanu refiri adi, na mframa wɔ wɔn ntaban mu; na wɔn deɛ, na wɔwowɔ ntaban sɛ asukɔnkɔn ntaban, na wɔbɛsoaa efa no faa asase ne ɔsoro ntam.

¹⁰Ɛnna mebisaa ɔbɔfoɔ a ɔne me kasaeɛ no sɛ: Ɛhe na yeinom de efa susudeɛ no rekorɔ yi?

¹¹ Na ɔka kyerɛɛ me sɛ: Wɔde rekɔ akɔsi dan ama no Sinear asase so, na wɔasiesie, na wɔde no atena ne tenabea hɔ.