Read Twi Asante Yosua 12 Bible Online

Yosua 12 - Twi Asante bible

Yosua 12

¹Na yeinom ne asase no so ahemfo a Israelfoɔ no kunkumm wɔn na wɔdii wɔn asase soɔ wɔ Yordan agya deɛ owiapueeɛ hɔ, firi Arnon subonhwa ho de kɔsi Hermon bepɔ ho ne Araba a ɛwɔ apueeɛ no nyinaa so,

² Amorifoɔ hene Sihon a ɔtenaa Hesbon a ɔdii hene firi Aroer a ɛda Arnon subonhwa nsunoa ne subonhwa no mfimfini ne Gilead fa de kɔsi Yabok subonhwa a ɛne Amonfoɔ hyeɛ no ano,

³ne Araba so de kɔsi Kinerot po no ano apueeɛ fam, na ɛde kɔsi Araba po no a ɛne Nkyene Po no ano, apueeɛ Bet-yesimot kwan so, ne anafoɔ fam Pisga bepɔ ase no;

⁴ ne Basan hene Og a ɔfiri abrane akɛseɛ a aka no mu a ɔtenaa Astarot ne Edrei no asase no.

⁵Na ɔdii hene Hermon bepɔ so ne Salka ne Basan nyinaa de kɔsi Gesurfoɔ ne Maakatfoɔ hyeɛ so ne Gilead fa, Hesbon hene Sihon hyeɛ ho.

⁶ AWURADE akoa Mose ne Israelfoɔ no kunkumm wɔn, na AWURADE akoa Mose de asase no maa Rubenfoɔ ne Gadfoɔ ne Manase abusuakuo fa no maa wɔdii so.

⁷Na yeinom ne asase no so ahemfo a Yosua ne Israelfoɔ no kunkumm wɔn Yordan agya atɔeɛ fam, firi Baal-gad a ɛda Lebanon bonhwa no mu de kɔsi bepɔ a ɛso petee a ɛforo de kɔ Seir no ho; (na Yosua de asase no maa Israel mmusuakuo sɛ wɔnni so sɛdeɛ wɔn nkyekyɛmu no teɛ,

⁸ mmepɔ no so ne ɛpo ho Araba so ne mmepɔ no ase ne ɛserɛ no so ne anafoɔ no: Hetifoɔ, Amorifoɔ ne Kanaanfoɔ, Perisifoɔ, Hewifoɔ ne Yebusifoɔ asase no):

⁹ Yerikohene, Ai a ɛwɔ Betel ho hene,

¹⁰ Yerusalemhene, Hebronhene,

¹¹ Yarmuthene, Lakishene,

¹² Eglonhene, Geserhene,

¹³ Debirhene, Gederhene,

¹⁴ Hormahene, Aradhene,

¹⁵ Libnahene, Adulamhene,

¹⁶ Makedahene, Betelhene,

¹⁷Tapuahene, Heferhene,

¹⁸ Afekhene, Lasaronhene,

¹⁹ Madonhene, Hasorhene,

²⁰ Simron-meronhene, Aksafhene,

²¹Taanakhene, Megidohene,

²²Kedeshene, Yokneam a ɛwɔ Karmel ase no hene,

²³ Dor a ɛwɔ Dor kokoɔ soɔ hene, amanaman a ɛwɔ Gilgal no hene,

²⁴Tirsahene, — ahemfo no nyinaa yɛ aduasa baako.