Read Twi Asante 1 Timoteo 2 Bible Online

1 Timoteo 2 - Twi Asante bible

1 Timoteo 2

¹ Na afei, deɛ ɛdi ne nyinaa kan no, metu fo sɛ wɔnyɛ nkotosrɛ, mpaebɔ, odima ne aseda mma nnipa nyinaa;

²ahemfo ne wɔn a wɔdi tumi nyinaa, na yɛatena ase komm, na yɛn ho adwo yɛn, onyamesom pa ne abrabɔ a ɛho yɛ nyam nyinaa mu.

³ Na yei yɛ, na ɛsɔ yɛn Agyenkwa Nyankopɔn

⁴ a ɔpɛ sɛ wɔgye nnipa nyinaa nkwa na wɔba nokorɛ nimdeɛ mu no ani.

⁵ Na Onyankopɔn koro na ɔwɔ hɔ, ne Onyankopɔn ne nnipa ntamgyinafoɔ koro, ɔno ne onipa Kristo Yesu,

⁶ a ɔde ne ho maa sɛ agyedeɛ maa nnipa nyinaa sɛ ɛnyɛ adanseɛ ɛberɛ a wɔahyɛ mu.

⁷ Ɛno na wɔabɔ din ahyɛ me ɔsɛnkafoɔ ne ɔsomafoɔ (meka nokorɛ, menni atorɔ), amanaman mufoɔ kyerɛkyerɛfoɔ wɔ gyidie ne nokorɛ mu.

⁸Enti mepɛ sɛ mmarima bɔ mpaeɛ wɔ mmaa nyinaa, ma nsa a ɛho teɛ so, a abufuo anaa akyinnyeɛ nni mu.

⁹ Saa ara nso na mmaa nhyɛ ntadeɛ a ɛsɛ, mfa ani a ɛwu adeɛ ne adwenemuteɛ nkeka wɔn ho, ɛnyɛ mmɛsawɔ anaa sika anaa nhwene pa anaa ntadeɛ a ɛwɔ boɔ mu,

¹⁰ na mmom nnwuma pa a ɛsɛ mmaa a wɔyi onyamesom kyerɛ mu.

¹¹ Mmaa nyɛ komm nsua asɛm no ahobrɛaseɛ nyinaa mu.

¹² Ɔbaa deɛ, memma no kwan sɛ ɔnkyerɛkyerɛ anaasɛ ɔnni ɔbarima so, na mmom ɔnyɛ komm.

¹³ Ɛfiri sɛ wɔbɔɔ Adam kane, ansa na Hawa redi hɔ.

¹⁴ Na ɛnyɛ Adam na wɔdaadaa no, na ɔbaa no na wɔdaadaa no a ɔkɔtoo mmara;

¹⁵nanso sɛ ɔtena gyidie ne ɔdɔ ne ahoteɛ ne adwenemuteɛ mu a, wɔbɛgye no nkwa n’abawoɔ mu.