Read Twi Asante 1 Timoteo 6 Bible Online

1 Timoteo 6 - Twi Asante bible

1 Timoteo 6

¹ Nkoa dodoɔ a wɔwɔ kɔnnua aseɛ no mmu wɔn wuranom sɛ anidie nyinaa sɛ wɔn, na Nyankopɔn din ne nkyerɛkyerɛ no ho anhura.

² Na mma wɔn a wɔwɔ awuranom gyidifoɔ mmmu wɔn animtia sɛ wɔyɛ anuanom, na mmom wɔnsom wɔn yie, ɛfiri sɛ wɔn a wɔsom wɔn no yɛ agyidifoɔ ne adɔfoɔ. Yeinom na kyerɛkyerɛ, na tu ho foɔ.

³ Sɛ obi kyerɛ nkyerɛkyerɛ foforɔ na wampene yɛn Awurade Yesu Kristo nsɛm a ɛyɛ no ne nkyerɛkyerɛ a ɛde kɔ onyamesom pa mu a,

⁴wahoran, na ɔnnim hwee, na mmom ɔyare akyinnyegyeɛ ne anoko a deɛ ɛfiri mu ba ne nitan, kunsunkunsum, nsekuro, nnipa ho adwemmɔne,

⁵mansotwe a ɛsɛ nnipa a wɔn adwene mu asɛeɛ, na nokorɛ abɔ wɔn a wɔsusu sɛ onyamesom pa yɛ adepɛdeɛ.

⁶ Na onyamesom pa a abodwoɔ wɔ mu yɛ adenya kɛse.

⁷ Na yɛamfa hwee amma wiase, nanso yɛntumi mfa hwee mfiri mu nkɔ.

⁸ Na sɛ yɛwɔ nnuane ne deɛ yɛde kata yɛn ho a, momma ɛno ara nnɔɔso mma yɛn.

⁹ Na wɔn a wɔpɛ wɔn ho anya no hwe sɔhwɛ ne afidie ne nkwasea akɔnnɔ a ɛnyɛ mma nnipa na ɛtwe wɔn kɔgu ɔsɛeɛ ne ɔyera mu mu.

¹⁰ Na bɔne nyinaa nhini ne sikapɛ mmorosoɔ a ebinom dii akyire yeraa kwan na wɔde yea pii wowɔɔ wɔn ho.

¹¹ Na wo, Nyankopɔn nipa, deɛ, dwane yeinom, na di tenenee, onyamesom pa, gyidie, ɔdɔ, boasetɔ ne ɔdwoɔ akyiri.

¹² Ko gyidie ko pa no, sɔ daa nkwa a wɔbɔɔ din frɛɛ woɔ na wopaee mu kaa no yie adansefoɔ pii anim no mu.

¹³ Metu wo fo Onyankopɔn a ɔma nnoɔma nyinaa nkwa ne Kristo Yesu a ɔpaee mu kaa no yie, dii ho adanseɛ Pontio Pilato anim no

¹⁴sɛ, hwɛ ahyɛdeɛ no so, mma dɛm anaasɛ asɛm bi mmma ho kɔsi yɛn Awurade Yesu Kristo ahoyie so.

¹⁵ Ɛno na deɛ ɔbɛkyerɛ ɛberɛ a ɛsɛ mu ne ahotɔ tumfoɔ koro no, ahene mu Hene ne awuranom mu Awurade,

¹⁶ deɛ ɔno nko wɔ daa nkwa a owuo nni mu, te hann a obi nnya ho kwan mu, deɛ nnipa mu biara nhunuu no da, na obiara ntumi nhunu no no, ɔno na anidie ne daa tumi wɔ no. Amen.

¹⁷ Adefoɔ a wɔwɔ wiase, kasa kyerɛ wɔn sɛ wɔnnnwene akokurokosɛm, anaasɛ wɔmmfa wɔn ani nnto ahonyadeɛ a ɛnni hɔ daa so, na wɔmfa wɔn ani nto Onyankopɔn a ɔma yɛn nnoɔma nyinaa ma no dɔɔso sɛ yɛnnie no so,

¹⁸sɛ wɔnyɛ yie, nnya wɔn ho nnwuma pa fam; sɛ wɔnkyɛ adeɛ fɛ so na wɔn nsam ngo,

¹⁹ na wɔmfa nhyehyɛ fapem pa nto hɔ mma wɔn ho nsie daakye, na wɔasɔ nokorɛ nkwa no mu.

²⁰ O Timoteo, hwɛ deɛ wɔde ahyɛ wo nsa no so; dane wo ho firi nsɛnhuhuo a ɛho nteɛ ne nimdeɛ a wɔboa frɛ no saa no akyinnyesɛm no ho.

²¹ Ɛno na ebinom yi kyerɛeɛ, pae firii gyidie no ho. Adom nka mo.