Read Twi Asante Tito 3 Bible Online

Tito 3 - Twi Asante bible

Tito 3

¹ Kae wɔn na wɔmmrɛ wɔn ho ase mma mpaninnie ne tumi ahodoɔ no, wɔnyɛ setie, wɔnsiesie wɔn ho mma adwuma pa biara,

² wɔnnni obiara ho nsekuro, wɔnnyɛ atutupɛfoɔ; wɔwɔ abodwokyɛre, na wɔnyi ɔdwoɔ nyinaa adi nkyerɛ nnipa nyinaa.

³ Ɛfiri sɛ yɛn nso, akane no na yɛyɛ nkwasea, asoɔdenfoɔ, nnipa a wɔtaa yɛ mfomsoɔ, som akɔnnɔ ne anigyedeɛ ahodoɔ, te nnebɔne ne nitan mu a wɔn ho yɛ ahi na wɔtentane wɔn ho wɔn ho.

⁴ Na yɛn Agyenkwa Nyankopɔn adɔeɛ ne ne dɔ yii ne ho adie no,

⁵ ɛmfiri tenenee mu nnwuma a yɛayɛ mu, na mmom ɔno ara ne mmɔborɔhunu nti, na ɛmaa no faa awo foforɔ adwareɛ ne Honhom Kronkron foforɔyɛ so gyee yɛn nkwa.

⁶ Ɛno na ɔnam yɛn Agyenkwa Yesu Kristo so hwie guu yɛn so pii,

⁷na wɔnam n’adom so abu yɛn bem ama yɛayɛ daa nkwa no anidasoɔ ho adedifoɔ.

⁸ Ɛyɛ nokwasɛm, na yeinom na mehwɛ sɛ wohyɛ mu den, na wɔn a wɔagye Onyankopɔn adie no adwene sɛdeɛ wɔbɛbɔ nnwuma pa ho mmɔden. Yeinom ne deɛ ɛyɛ fɛ na ɛyɛ mfasoɔ ma onipa.

⁹ Na nkwasea akyinnyegyeɛ ne anatoɔ ne kunsunkunsum ne mmara ho akasakasa deɛ, twe wo ho firi ho; ɛfiri sɛ ɛnyɛ mma hwee, na ɛyɛ hunu.

¹⁰ Onipa a ɔde mpaepaemu ba, a woakasa akyerɛ no prɛko ne ne mprenu no, pa no!

¹¹ Na hunu sɛ, deɛ ɔte saa no, ne tiri asɛe, na ɔyɛ bɔne bu ɔno ara ne ho fɔ wɔ mu.

¹² Sɛ mesoma Artema anaa Tihiko wɔ wo nkyɛn a, bɔ mmɔden bra me nkyɛn wɔ Nikopoli, na ɛhɔ na mabɔ me tirim sɛ merekɔdi awɔ berɛ.

¹³ Bɔ mmɔden gya Mmaranimfoɔ Sena ne Apolo kwan yie, na anhia wɔn hwee.

¹⁴ Na ma yɛn nkurɔfoɔ no nsua nnwuma pa ho mmɔdemmɔ nso mfa mmoa wɔn a ɛhia wɔn, na aba pa ammɔ wɔn.

¹⁵Wɔn a wɔne me wɔ ha nyinaa kyeakyea wo. Kyeakyea wɔn a wɔdɔ yɛn wɔ gyidie no mu. Adom nka mo nyinaa.