Read Twi Asante 1 Samuel 29 Bible Online

1 Samuel 29 - Twi Asante bible

1 Samuel 29

¹ Afei Filistifoɔ boaboaa wɔn dɔm nyinaa ano baa Afek, na Israelfoɔ kɔkyeree nsraban nsuo aniwa a ɛwɔ Yesreel ho.

²Na Filistifoɔ asafohene bɛtwaa mu, ɔha ɔha ne apem apem so, na Dawid ne ne mmarima no ka Akis ho bɛtwaa mu wɔ kyidɔm no mu.

³Ɛnna Filistifoɔ asafohene no kaa sɛ: Na Hebrifoɔ yi ɛ? Na Akis ka kyerɛɛ Filistifoɔ asafohene no sɛ: Ɛnyɛ Dawid, Israelhene Saulo akoa a ɔne me atena nna sɛɛ anaa mfeɛ sɛɛ yi a menhunuu ne ho bɔne biara firi da a ɔwaeeɛ de bɛsi nnɛ no nie?

⁴Na Filistifoɔ asafohene no bo fuu no, na Filistifoɔ asafohene no ka kyerɛɛ no sɛ: Ma ɔbarima yi nsane, na ɔnsane nkɔ ne tenabea a wode no tenaeɛ hɔ, na mma ɔne yɛn nnkɔ ɔsa no, na wannane n’ani ankyerɛ yɛn ɔko no mu; na ɛdeɛn na oyi de bɛpata ne wura? Ɛnyɛ nnipa yi ti?

⁵ Ɛnyɛ Dawid a wɔgyee ne ho dwom soɔ asa mu sɛ: Saulo akum n’apem na Dawid akum ne mpem du no nie anaa?

⁶Ɛnna Akis frɛɛ Dawid ka kyerɛɛ no sɛ: Sɛ AWURADE te aseɛ yi, wotene, na me deɛ, anka ɛyɛ ma me sɛ wo ne me bɛdi akɔneaba ɔsa yi mu; ɛfiri sɛ ɛfiri da a wobaa me nkyɛn de bɛsi nnɛ menhunuu wo ho bɔne biara; na asafohene no na ɛmpɛ woɔ.

⁷Enti sane, na kɔ asomdwoeɛ mu, na wo ho anyɛ Filistifoɔ no ahi.

⁸Na Dawid ka kyerɛɛ Akis sɛ: Na mayɛ dɛn, na ɛdeɛn na woahu no w’akoa ho firi da a mebaa w’anim de abɛsi nnɛ yi a enti mennkɔ na me ne me wura ɔhene atamfoɔ nnkɔko yi?

⁹ Na Akis bua see Dawid sɛ: Menim sɛ woyɛ wɔ m’ani so sɛ Nyankopɔn bɔfoɔ; nso Filistifoɔ asafohene no na wɔse: Ɔne yɛn renkɔ ɔsa no.

¹⁰Enti monsɔre anɔpahema, wo ne wo wura nkoa a wɔne wo baeɛ no, na mosɔre nhema na anim tete ara pɛ a, moasim akɔ.

¹¹Ɛnna Dawid ne ne mmarima no tuaa nhema sii mu sɛ wɔresane akɔ Filistifoɔ asase so. Na Filistifoɔ no baa Yesreel.