Read Tzeltal 1 Crónicas 26 Bible Online

1 Crónicas 26 - Tzeltal bible

1 Crónicas 26

¹Soc hich la yich' puquel ta chahpalchahp te jcanan-ti'nahiletic: Ta sts'umbal Coré: ha te Meselemías snich'an Coré, sts'umbal Asaf.

²Te snich'nab Meselemías, ha te Zacarías te ba-alal, schebal Jediael, yoxebal Zebadías, schanebal Jatniel,

³yo'ebal Elam, swaquebal Johanán, soc shuquebal Elioenai.

⁴Te snich'nab Obed-edom: ha te Semaías te ba-alal, schebal Jozabad, yoxebal Joa, schanebal Sacar, yo'ebal Natanael,

⁵swaquebal Amiel, shuquebal Isacar, soc swaxaquebal Peultai. Como te Dios ya'beyej bendición te Obed-edom.

⁶Te Semaías snich'an Obed-edom, ayinic snich'nab te ha jtsobawetic yu'un jujuchahp sna sme'static, como ha winiquetic te ay bin ya xhu' yu'unic spasel.

⁷Te snich'nab Semaías: ha te Otni, Rafael, Obed, Elzabad, soc te yermanotac Eliú soc Samaquías, ha winiquetic te ay yipic.

⁸Spisilic ini ha sts'umbalic Obed-edom; ha'ic soc te snich'nabic soc te yermanotac ay bayel yipic ta spasel te a'tele; cheb schanwinic (62) te sts'umbal Obed-edom.

⁹Te snich'nab Meselemías soc te yermanotac: waxaclajuntuhl (18) winiquetic te ay yipic.

¹⁰Te snich'nab Hosa, te sts'umbalic Merari: ha te Simri, te jtsobaw (aunque ma ha'uc ba-alal, pero otsesot ta jtsobaw yu'un te state);

¹¹schebal Hilcías; yoxebal Tebalías; schanebal Zacarías. Te snich'nab soc te yermanotac Hosa, oxlajuntuhl (13) ta spisilic.

¹²Ha'ic te chahpalchahp jcanan-ti'nahiletic, ha te jtsobawetic soc te yermanotac, pajal ay ya'telic ta sna Jehová.

¹³Ta chahpalchahp, muc' biq'uit, la yich'ic pucbeyel ta scuenta spasel seña ta na'el te ya'telic ta scanantayel jujun ti'nahil.

¹⁴Te spasel seña ta na'el yu'un te ti'nahil ta stojol banti ya xloc' tal c'ahc'al ha c'oht ta scuenta te Selemías. Te ti'nahil ay ta stojol norte ha c'oht ta scuenta te Zacarías te snich'an te ay sp'ijil ta j'ac'-o'tanil.

¹⁵Te Obed-edom, ha c'oht ta scuenta te ti'nahil ay ta stojol sur; te snich'nab, ha c'oht ta scuentahic scanantayel te yawil biluquetic ta Templo.

¹⁶Te Supim soc Hosa, ha c'oht ta scuentahic te ti'nahil ay ta stojol smahlib c'ahc'al, ha te ti'nahil yu'un Salequet te ay ta be te mohel ya xbaht. Hich xmelmon baht te a'tel ta jcanantaywanej:

¹⁷Ta jujun c'ahc'al ay wactuhl levitahetic ta stojol banti ya xloc' tal c'ahc'al, chantuhl ta stojol norte, chantuhl ta stojol sur, soc cha'cha'tuhl ta yawil biluquetic.

¹⁸Ta yamaq'uil ta smahlib c'ahc'al ay chantuhl ta ti'be, soc cha'tuhl tey nix ta yamaq'uil.

¹⁹Hich ay te chahpalchahp te jcanan-ti'nahiletic te ha sts'umbalic Coré soc Merari.

²⁰Ta yantic levitahetic, ay ta scuenta Ahías scanantayel te c'ulejalil yu'un te sna Dios soc te c'ulejalil yu'un te bin ch'uhltesbilic.

²¹Te sts'umbal Laadán snich'an Gersón: ha jtsobawetic yu'unic te sts'umbal Jehiel ta stojol te sna sme'static te sts'umbal Laadán te gerson-winic.

²²Te snich'nab te Jehiel, Zetam soc te yermano Joel, ay ta scuentahic scanantayel te c'ulejalil yu'un te sna Jehová.

²³Ta sts'umbalic Amram, Izhar, Hebrón soc Uziel:

²⁴te Sebuel sts'umbal Gersón, snich'an Moisés, ha jolal yu'un scanantayel te c'ulejalil.

²⁵Te cajalcaj sts'umbal te Eliezer te yermano: ha te Rehabías, Jesahías, Joram, Zicri soc Selomit.

²⁶Te Selomit soc te yermanotac ay ta scuentahic spisil te c'ulejalil te ch'ultesbil te ac'bil yu'un te ajwalil David, te jtsobawetic yu'un chahpalchahp sna sme'static, te capitanetic yu'un jujumil (1,000) soc ho'ho'winic (100), soc te jtsobawetic yu'un te soldadohetique.

²⁷Ta banti te biluquetic te la yich' tahel ta scuenta guerra, parte la yaq'uic yu'un scha'pasel xan te sna Jehová.

²⁸Soc spisil te bintic ac'bil ta stojol Dios yu'un te jalwanej Samuel, soc yu'un Saúl snich'an Cis, Abner snich'an Ner, soc Joab yal Sarvia, soc spisil yan bintic ac'bil ta stojol Dios, ay ta scuentahic scanantayel te Selomit soc te yermanotaque.

²⁹Ta sts'umbal Izhar: te Quenanías soc te snich'nab a'botic yan ya'telic ta gobernadoretic soc juecetic ta stojol Israel.

³⁰Ta sts'umbal Hebrón: te Hasabías soc te yermanotac, ho'winic yo'bahc' (1,700) winiquetic te ay yipic, la scuentahinic Israel te ay ta smahlib c'ahc'al yu'un te muc'ul-ha' Jordán ta yilel spisil te ya'tel Jehová soc te a'batinel yu'un te ajwalil.

³¹Te jtsobaw yu'un te sts'umbal Hebrón ha te Jerías. Ta cha'winic (40) ha'bil yochel ta ajwalil a te David la yich'ic lehel ta hun, la stahic tey a te ay winiquetic te ay yipic ta Jazer yu'un Galaad.

³²Ay ho'lajunwinic shucbahc' (2,700) yermanotac te Jerías te ay yipic soc ha jtsobawetic yu'un te sna sme'static, te a'botic yu'un te ajwalil David te ya scuentahinic te sts'umbal Rubén, Gad soc te j'ohlil sts'umbal Manasés ta schahpanel spisil te ya'tel Dios soc ya'tel te ajwalil.