Read Tzeltal 1 Crónicas 4 Bible Online

1 Crónicas 4 - Tzeltal bible

1 Crónicas 4

¹Te sts'umbal Judá, ha te Fares, Hezrón, Carmi, Hur soc Sobal.

²Te Reaía snich'an Sobal, ha snich'an te Jahat. Te Jahat, ha snich'nab te Ahumai soc Lahad. Ha'ic ini te mach'atic ay yu'un te zoratehic.

³Te snich'nab Etam:[7] Jezreel, Isma, Idbas. Haze-lelponi sbihil te yantsilelic.

⁴Te Penuel, ha stat Gedor; soc te Ezer, ha stat Husa. Ha'ic te snich'nab Hur, te sba-al Efrata soc ha stat Belén.

⁵Te Asur, stat Tecoa, ay cheb yihnam: Hela soc Naara.

⁶Te Naara la yalatay te Ahuzam, Hefer, Temeni soc Ahastari. Ha'ic ini te yalatac Naara.

⁷Te yalatac Hela, ha te Zeret, Jezoar soc Etnán.

⁸Te Cos, ha snich'nab te Anub soc te Zobeba, soc te mach'atic ay yu'un te Aharhel, te snich'an Harum.

⁹Te Jabes, ha muc' xan sc'oblal c'oht yu'un te yermanotac. Te snan la ya'be sbihilin Jabes,[8] yu'un la yal: Como c'ax jwocol ta yalatayel, xchi.

¹⁰Te Jabes la sc'opon te Dios yu'un Israel, hich la yal: A'bon bendición soc muc'ubtesbon jq'uinal; coltayawon soc ac'awon ta libre yu'un te bin chopol, scuenta yu'un ma xc'ax jwocol a, xchi. Hich a'bot yu'un Dios te bin la sc'ane.

¹¹Te Quelub, te yermano Súa, ha snich'an te Mehír; te Mehír, ha snich'an te Estón;

¹²te Estón, ha snich'nab te Bet-rafa, Paseah soc Tehína, te la shach te pueblo Nahas. Ha'ic ini te winiquetic yu'un Reca.

¹³Te snich'nab Cenaz, ha te Otoniel soc Seraías. Te snich'nab Otoniel, ha te Hatat

¹⁴soc Meonotai, te stat Ofra. Te Seraías, ha snich'an te Joab, te tatil yu'un te mach'atic nahinemic ta spamlej yu'un Carisim, te ya'telinejic spasel bayel ta chahp t'ujbil a'teliletic.

¹⁵Te snich'nab Caleb, te snich'an Jefone, ha te Iru, Ela soc Naam. Te snich'an Ela, ha Cenaz.

¹⁶Te snich'nab Jahaleel, ha te Zif, Zifa, Tirías soc Asareel.

¹⁷Te snich'nab Esdras, ha te Jeter, Mered, Efer soc Jalón. Te Mered la yic' yihnamin te Bitiá yantsil-nich'an faraón,[9] ha yalatac te María, Samai, soc Isba, te stat Estemoa.

¹⁸Te yalatac te yan yihnam te ha sts'umbal Judá, ha te Jered, te stat Gedor; Heber, te stat Soco; soc te Jecutiel, te stat Zanoa.

¹⁹Te yalatac te yihnam Hodías, te yantsilel Naham, ha te stat Keila, te garmita-winic, soc Estemoa te maacateo-winic.

²⁰Te snich'nab Simón, ha te Amnón, Rina, Ben-hanán soc Tilón. Te snich'nab Isi, ha te Zohet soc Benzohet.

²¹Te sts'umbal Sela snich'an Judá, ha te Er te stat Leca, te Laada te stat Maresa, soc te mach'atic ay yu'unic te ya x'a'tejic ta spasel lino ta Bet-asbea,

²²te Joacim, te winiquetic yu'un Cozeba, soc Joás soc Saraf, te la ya'iyic cuentahinwanej ta Moab, patil suhtic tal ta Lehem, hich ya yal te bin ts'ihbabil hilel ta namey.

²³Ha jpac'ojometic te nahinic ta Netaim soc Gedera te banti ayic ta a'batinel yu'un te ajwalile.

²⁴Te snich'nab Simeón, ha te Nemuel, Jamín, Jarib, Zera soc Saúl.

²⁵Te Saúl ha snich'an Salum, te Salum ha snich'an Mibsam, te Mibsam ha snich'an Misma.

²⁶Te cajalcaj sts'umbal Misma, ha te Hamuel, Zacur, soc Simei.

²⁷Te Simei ay waclajuntuhl (16) squerem soc wactuhl yantsil-nich'nab; pero te yermanotac te Simei mayuc bayel snich'nabic, ma ba p'ohl sts'umbalic hich te bin ut'il p'ohl te sts'umbal Judá.

²⁸Nahinic ta Beerseba, Molada, Hazar-sual,

²⁹Bilha, Ezem, Tolad,

³⁰Betuel, Horma, Siclag,

³¹Bet-marcabot, Hazar-susim, Bet-birai soc Saaraim. Ha'ic te pueblohetic yu'unic ha to c'alal ay ta ajwalil te David.

³²Te ho'eb tut pueblohetic yu'unic, ha te Etam, Aín, Rimón, Toquén soc Asán,

³³ta spisil soc te tut pueblohetic ta sjoyobal ha to c'alal ta Baal.[10] Ha te banti nahinic; soc hich ts'ihbabil hilel yu'unic te sbihilic te sts'umbalique.

³⁴Te Mesobab, Jamlec, Josías snich'an Amasías,

³⁵Joel, Jehú snich'an Josibías, snich'an Seraías, snich'an Asiel,

³⁶Elioenai, Jaacoba, Jesohaía, Asaías, Adiel, Jesimiel, Benaía,

³⁷Ziza snich'an Sifi, snich'an Alón, snich'an Jedaías, snich'an Simri, te snich'an Semaías.

³⁸Te mach'atic te hich ay sbihilic, ha príncipaletic yu'un te jujuchahpique. Te jujuchahp sna sme'static bayel p'ohlic.

³⁹C'ohtic c'alal ta yochibal te Gedor, ta stojol banti ya xloc' tal c'ahc'al.

⁴⁰Tey la stahic bayel lequil aquiltic a, soc buen muc' jamal q'uinal, lamal q'uinal, soc ay cux-o'tanil tey a. Tey nahinic ta nahil to te sts'umbal Cam.

⁴¹Te winiquetic te ts'ihbabil sbihilic talic ta yorahil te ay ta ajwalil yu'un Judá a te Ezequías. La sjimbeyic hilel scampamentohic soc snahilpaq'uic te tey ayic a, te chican ta ilel c'alal ora. Ha hilic ta nahinel tey a, como ay bayel swe'el schansbahlamic tey a.

⁴²Soc ay ho'winic scha'bahc' (500) ta tuhl winiquetic yu'un te sts'umbal Simeón te bahtic ta wits Seir. Ha capitanetic yu'unic te Pelatías, Nearías, Refaías soc Uziel te snich'nab Isi.

⁴³La slajinic te mach'atic hilemic yu'un Amalec, soc tey nahinic c'alal ora.