Read Tzeltal 1 Crónicas 6 Bible Online

1 Crónicas 6 - Tzeltal bible

1 Crónicas 6

¹Te snich'nab te Leví, ha te Gersón, Coat soc Merari.

²Te snich'nab Coat, ha te Amram, Izhar, Hebrón soc Uziel.

³Te snich'nab Amram, ha te Aarón, Moisés soc María. Te snich'nab Aarón, ha te Nadab, Abiú, Eleazar soc Itamar.

⁴Te Eleazar, ha snich'an te Finees; te Finees, ha snich'an te Abisúa;

⁵te Abisúa, ha snich'an te Buqui; te Buqui, ha snich'an te Uzi;

⁶te Uzi, ha snich'an te Zeraías; te Zeraías, ha snich'an te Meraiot;

⁷te Meraiot, ha snich'an te Amarías; te Amarías, ha snich'an te Ahitob;

⁸te Ahitob, ha snich'an te Sadoc; te Sadoc, ha snich'an te Ahimaas;

⁹te Ahimaas, ha snich'an te Azarías; te Azarías, ha snich'an te Johanán;

¹⁰te Johanán, ha snich'an te Azarías, ha te ay ta sacerdotehil ta templo te la spas te Salomón ta Jerusalén.

¹¹Te Azarías, ha snich'an te Amarías; te Amarías, ha snich'an te Ahitob;

¹²te Ahitob, ha snich'an te Sadoc; te Sadoc, ha snich'an te Salum;

¹³te Salum, ha snich'an te Hilcías; te Hilcías, ha snich'an te Azarías;

¹⁴te Azarías, ha snich'an te Seraías; soc Seraías, ha snich'an te Josadac.

¹⁵Te Josadac ic'ot bahel ta chuquel te c'alal ac'otic bahel yu'un Jehová te Judá soc Jerusalén ta scuenta te Nabucodonosor.

¹⁶Te snich'nab Leví, ha te Gersón, Coat soc Merari.

¹⁷Hich ay te sbihilic te snich'nab Gersón, ha te Libni soc Simei.

¹⁸Te snich'nab Coat, ha te Amram, Izhar, Hebrón soc Uziel.

¹⁹Te snich'nab Merari, ha te Mahli soc Musi. Ha'ic ini te sts'umbal Leví ta jujuchahp sna sme'static.

²⁰Te cajalcaj sts'umbal Gersón: ha te Libni, Jahat, Zima,

²¹Joa, Ido, Zara soc Jeatrai.

²²Te cajalcaj sts'umbal Coat: ha te Aminadab, Coré, Asir,

²³Elcana, Ebiasaf, Asir,

²⁴Tahat, Uriel, Uzías soc Saúl.

²⁵Te snich'nab Elcana: ha te Amasai soc Ahimot.

²⁶Te cajalcaj sts'umbal Ahimot: ha te Elcana, Zofai, Nahat,

²⁷Eliab, Jeroham soc Elcana.

²⁸Te snich'nab Samuel: ha te Joel,[11] te ba-alal, soc Abías te schebale.

²⁹Te cajalcaj sts'umbal Merari, ha te Mahli, Libni, Simei, Uza,

³⁰Simea, Haguía soc Asaías.

³¹Ha ini te mach'atic otsesbilic yu'un David te ya xc'ayojinic ta sna Jehová te c'alal tey ayix a te scaxahul te chapbil-c'op.

³²C'ayojinic ta stojol te Nahilpac' Templo yu'un tahojibal ha to c'alal la spas te sna Jehová ta Jerusalén te Salomón. La spasic ya'telic hich te bin ut'il chahpambile.

³³Ha'ic te c'ayojinic soc te snich'nabic: Ta sts'umbal Coat, ha te jc'ayoj Hemán snich'an Joel, snich'an Samuel,

³⁴snich'an Elcana, snich'an Jeroham, snich'an Eliel, snich'an Toa,

³⁵snich'an Zuf, snich'an Elcana, snich'an Mahat, snich'an Amasai,

³⁶snich'an Elcana, snich'an Joel, snich'an Azarías, snich'an Sofonías,

³⁷snich'an Tahat, snich'an Asir, snich'an Ebiasaf, snich'an Coré,

³⁸snich'an Izhar, snich'an Coat, snich'an Leví, snich'an Israel.

³⁹Ta swa'el Hemán tey ay a te yermano Asaf snich'an Berequías, snich'an Simea,

⁴⁰snich'an Micael, snich'an Baasías, snich'an Malquías,

⁴¹snich'an Etni, snich'an Zera, snich'an Adaía,

⁴²snich'an Etán, snich'an Zima, snich'an Simei,

⁴³snich'an Jahat, snich'an Gersón, snich'an Leví.

⁴⁴Ta sq'uexam te Hemán tey ay a te yermanotac, ha te snich'nab Merari, ha te Etán snich'an Quisi, snich'an Abdi, snich'an Maluc,

⁴⁵snich'an Hasabías, snich'an Amasías, snich'an Hilcías,

⁴⁶snich'an Amsi, snich'an Bani, snich'an Semer,

⁴⁷snich'an Mahli, snich'an Musi, snich'an Merari, snich'an Leví.

⁴⁸Te yermanotac levitahetic a'botic spisil a'tel ta templo yu'un te Diose.

⁴⁹Pero te Aarón soc te snich'nab ay ta scuentahic yaq'uel mahtaniletic ta scajtajib ta chiq'uel mahtanil, schiq'uel pom ta scajtajib, spasel spisil te a'tel ta Mero Ch'ul Awilal, soc la spasic te stojel mulil yu'un Israel, hich te bin ut'il yaloj ta mandar te Moisés te ya'bat te Diose.

⁵⁰Ha'ic ini te cajalcaj sts'umbal Aarón: ha te Eleazar, Finees, Abisúa,

⁵¹Buqui, Uzi, Zeraías,

⁵²Meraiot, Amarías, Ahitob,

⁵³Sadoc soc Ahimaas.

⁵⁴Ha'ic ini te banti nahinic soc ta ban c'alal smacoj sq'uinalic te sts'umbal Aarón. Ha nahil c'oht ta scuenta jujuchahp sts'umbal Coat ta scuenta spasel seña ta na'el.

⁵⁵Ta sq'uinal Judá a'botic te Hebrón soc te aquiltic ta sjoyobal.

⁵⁶Pero te q'uinal ta sjoyobal te pueblo soc te tut pueblohetic yu'un a'bot te Caleb snich'an Jefone.

⁵⁷Te sts'umbal Aarón a'botic te pueblohetic yu'un ahnibal: ha te Hebrón, Libna, Jatir, Estemoa,

⁵⁸Hilén, Debir,

⁵⁹Asán, soc Bet-semes, soc te aquiltic ta sjoyobal te jujune.

⁶⁰Ta sq'uinal Benjamín a'botic Geba, Alemet soc Anatot, soc te aquiltic ta sjoyobalic. Oxlajuneb pueblohetic la yich'ic pucbeyel ta chahpalchahp te mach'atic ay yu'unique.

⁶¹Te yantic sts'umbal Coat te hilemic, a'botic ta scuenta seña ta na'el lajuneb pueblohetic ta sq'uinal te j'ohlil sts'umbal Manasés.

⁶²Te sts'umbal Gersón, ta jujuchahp yu'unic, la ya'beyic oxlajuneb (13) pueblohetic ta jchahp yu'un Isacar, Aser, Neftalí soc te j'ohlil sts'umbal Manasés te ay ta Basán.

⁶³Te sts'umbal Merari, ta jujuchahp yu'unic, a'botic ta scuenta seña ta na'el lahchayeb pueblohetic ta jchahp yu'un Rubén, Gad soc Zabulón.

⁶⁴Hich te snich'nab Israel la ya'beyic te levitahetic pueblohetic soc te aquiltic ta sjoyobalic.

⁶⁵Hich la ya'beyic ta scuenta seña ta na'el te pueblohetic ta Judá, Simeón, soc Benjamín, te yich'ojiquix halbeyel te sbihilique.

⁶⁶Ay cha'oxchahp sts'umbal Coat te a'botic pueblohetic soc te aquiltic ta sjoyobalic ta jchahp yu'un Efraín.

⁶⁷Scuenta pueblo yu'un ahnibal la ya'beyic te Siquem soc aquiltic ta witsiltic yu'un Efraín, soc la ya'beyic te Gezer,

⁶⁸Jocmeam, Bet-horón,

⁶⁹Ajalón, soc Gat-rimón, soc te aquiltic ta sjoyobalic.

⁷⁰Ta j'ohlil sts'umbal Manasés la ya'beyic te jayeb xan hilemic yu'un te sts'umbal Coat te Aner soc Bileam, soc te aquiltic ta sjoyobalic.

⁷¹Te sts'umbal Gersón, la ya'beyic ta sq'uinal te j'ohlil sts'umbal Manasés te Golán ta Basán, soc Astarot soc te aquiltic ta sjoyobalic.

⁷²Ta jchahp yu'un Isacar la ya'beyic Cedes, Daberat,

⁷³Ramot soc Anem, soc te aquiltic ta sjoyobal.

⁷⁴Ta sq'uinal Aser la ya'beyic te Masal, Abdón,

⁷⁵Hucoc soc Rehob, soc te aquiltic ta sjoyobalic.

⁷⁶Ta sq'uinal Neftalí la ya'beyic Cedes ta Galilea, Hamón soc Quiriataim, soc te aquiltic ta sjoyobalic.

⁷⁷Te mach'atic hilemic yu'un Merari la ya'beyic ta sq'uinal Zabulón, te Rimón soc Tabor, soc te aquiltic ta sjoyobalic.

⁷⁸Ta jehch Jordán, ta stojol Jericó, ta stojol banti ya xloc' tal c'ahc'al yu'un Jordán, la ya'beyic ta sq'uinal Rubén te Beser te ay ta jochol taquin q'uinal, Jaza,

⁷⁹Cademot soc Mefaat, soc te aquiltic ta sjoyobalic.

⁸⁰Ta sq'uinal Gad la ya'beyic te Ramot ta Galaad, Mahanaim,

⁸¹Hesbón, soc Hazer, soc te aquiltic ta sjoyobalic.