Read Tzeltal 1 Crónicas 7 Bible Online

1 Crónicas 7 - Tzeltal bible

1 Crónicas 7

¹Ay chantuhl snich'nab te Isacar, ha te Tola, Fúa, Jasub soc Simrón.

²Te snich'nab Tola, ha te Uzi, Refaías, Jeriel, Jahmai, Jibsam soc Semuel. Ha jtsobawetic yu'un te jujuchahp sna sme'static. Te sts'umbal Tola la yich' ahtayel ta yorahil David, ay cha'pic soc lajunwinic shuclajunbahc' (22,600) winiquetic te ma xiwic ta guerra.

³Te snich'an Uzi, ha te Israhías. Te snich'nab Israhías, ha te Micael, Obadías, Joel soc Isías; ho'tuhl príncipaletic ta spisil.

⁴Ta jujuchahp sna sme'static ay j'ohlil yo'pic (36,000) winiquetic yu'un guerra, como bayel yihnamic soc snich'nabic.

⁵Te yermanotac ta jujuchahp te mach'atic ay yu'un te Isacar, ts'ihbabil hilel sbihilic ta cajalcaj sts'umbalic, ay lajunpic soc lajunwinic swaxaclajunbahc' (87,000) winiquetic te mero ya xhu' yu'un guerra.

⁶Ay oxtuhl snich'nab te Benjamín, ha te Bela, Bequer soc Jediael.

⁷Te snich'nab Bela, ha te Ezbón, Uzi, Uziel, Jerimot soc Iri, ho'eb jtsobawetic yu'un chahpalchahp sna sme'static, te sbihilic te sts'umbalic te ts'ihbabil hilel ay cha'pic soc ho'lajunbahc' soc chanlajuneb scha'winic (22,034) winiquetic te ma xiwic ta guerra.

⁸Te snich'nab Bequer, ha te Zemira, Joás, Eliezer, Elioenai, Omri, Jerimot, Abías, Anatot soc Alamet; spisilic ha'ic snich'nab Bequer.

⁹Ts'ihbabil hilel sbihilic ta cajalcaj sts'umbalic te jtsobawetic yu'un te jujuchahp sna sme'static, ay cha'pic soc lajunwinic sbuluchbahc' (20,200) winiquetic te ma xiwique.

¹⁰Te snich'an Jediael, ha te Bilhán. Te snich'nab Bilhán, ha te Jeús, Benjamín, Aod, Quenaana, Zetán, Tarsis soc Ahisahar.

¹¹Spisilic ha sts'umbal Jediael, ha jtsobawetic yu'un te jujuchahp sna sme'static, ay cha'pic soc oxbahc' (17,200) winiquetic te ma xiwic soc chapalic ta yaq'uel guerra.

¹²Te snich'nab Hir, ha te Supim soc Hupim; te snich'an Aher, ha te Husim.

¹³Te snich'nab Neftalí, ha te Jahzeel, Guni, Jezer soc Salum; ha yil-alatac Bilha.

¹⁴Te snich'nab Manasés te ha yal-snich'an soc yan ants yu'un te talem ta Siria, ha te Asriel soc Maquir, te stat Galaad.

¹⁵Te Maquir la yic' yihnamin jtuhl yantsil-nich'an te mach'atic ay yu'un Hupim soc Supim. Maaca sbihil te yantsilel. Te schebal snich'an, ha te Zelofehad te ha nax ay yantsil-nich'nab.

¹⁶Te Maaca, yihnam Maquir, ayin jtuhl yal, la ya'be sbihilin Peres; Sere sbihil te yihts'in, ha snich'nab te Ulam soc Requem.

¹⁷Te snich'an Ulam ha te Bedán. Ha sts'umbal Galaad, te ha snich'an Maquir snich'an Manasés.

¹⁸Te yantsilel Maquir, Hamolequet, ha yalatac te Isod, Abiezer soc Mahala.

¹⁹Te snich'nab Semida, ha te Ahián, Siquem, Likhi soc Aniam.

²⁰Te cajalcaj sts'umbal Efraín, ha te Sutela, Bered, Tahat, Elada, Tahat,

²¹Zabad soc Sutela, Ezer soc Elad. Te swinquilel Gat la smilic te Ezer soc Elad como tal spojbeyic te schansbahlamique.

²²Te Efraín te static, bayel c'ahc'al la smel yo'tan yu'un, tal ta muc'ubtesbeyel q'uinal yu'un te yermanotac.

²³Patil la sta sba soc te yihnam, hahch yal, ayin yal, Bería[12] sbihil c'oht yu'un, como c'ax swocol ta sna.

²⁴Te Seera, ha yantsil-nich'an Bería, la spas te Bet-horón te ay ta ahlan soc te ay ta ahc'ol, soc nix te Uzen-seera.

²⁵Te cajalcaj sts'umbal Bería, ha te Refa, Resef, Telah, Tahán,

²⁶Laadán, Amiud, Elisama,

²⁷Nun soc Josué.

²⁸Te sq'uinal la yich'ic soc te banti nahinic, ha te Bet-el soc te tut pueblohetic yu'un, Naarán te ay ta stojol banti ya xloc' tal c'ahc'al, Gezer ta stojol smahlib c'ahc'al, soc Siquem, ha to c'alal ta Ayah, soc te tut pueblohetic yu'unic.

²⁹Soc ta sti'il sq'uinal Manasés: ha te Bet-seán, Taanac, Meguido soc Dor, soc te tut pueblohetic yu'unique. Ta lugartic ini tey nahinemic a te sts'umbal José snich'an Israel.

³⁰Te snich'nab Aser, ha'ic te Imna, Isúa, Isúi, Bería soc Sera te yantsilelique.

³¹Te snich'nab Bería, ha te Heber soc Malquiel, te stat Birzavit.

³²Te Heber, ha snich'nab te Jaflet, Semer, Hotam, soc Súa te yantsilelic.

³³Te snich'nab Jaflet, ha te Pasac, Bimhal soc Asvat.

³⁴Te snich'nab Semer, ha te Rohga, Jehúba soc Aram.

³⁵Te snich'nab Helem[13] te yermano, ha te Semer, Zofa, Imna, Seles soc Amal.

³⁶Te snich'nab Zofa, ha te Súa, Hernefer, Súal, Beri, Imra,

³⁷Beser, Hod, Sama, Silsa, Itrán soc Beera.

³⁸Te snich'nab Jeter, ha te Jefone, Pispa soc Ara.

³⁹Te snich'nab Ula, ha te Ara, Haniel soc Rezia.

⁴⁰Spisilic ini ha sts'umbal Aser, ha tatiletic yu'un te jujuchahp sts'umbal, tsahbilic, ma xiwic, soc ha jtsobawetic yu'un príncipaletic. Te jaytuhl te ts'ihbabil hilel sbihilic te sts'umbalic ha oxpic soc ho'bahc' (26,000) winiquetic te ya xhu' yu'unic yaq'uel guerra.