Read Tzeltal 1 Crónicas 9 Bible Online

1 Crónicas 9 - Tzeltal bible

1 Crónicas 9

¹Spisil Israel ahtaybilic ta jujuchahp sts'umbalic soc ts'ihbabil hilel ta libro yu'un te ajwaliletic yu'un Israel. Te mach'atic ayic ta Judá chucotic bahel ta Babilonia ta scaj te ma junuc yo'tanic ta stojol Dios.

²Te mach'atic nahil suhtic tal ta nahinel ta sq'uinal ta pueblohetic yu'unic, ha israeletic, sacerdotehetic, levitahetic, soc a'batetic ta templo.

³Ay sts'umbal Judá, Benjamín, Efraín soc Manasés te nahinic ta Jerusalén,

⁴ha te Utai snich'an Amiud, snich'an Omri, snich'an Imri, snich'an Bani, te ha sts'umbal Fares snich'an Judá.

⁵Ay silonetic tey a: ha te Asías te ba-nich'an, soc te snich'nab.

⁶Ay sts'umbal Zera tey a: ha te Jeuel soc te yermanotac, lajuneb yo'lajunwinic scha'bahc' (690) ta tuhl.

⁷Ay sts'umbal Benjamín tey a, ha te Salú, snich'an Mesulam, snich'an Hodavías, snich'an Asenúa;

⁸soc te Ibneías snich'an Jeroham, snich'an Ela, snich'an Uzi, snich'an Micri, snich'an Mesulam, snich'an Sefatías, snich'an Reuel, snich'an Ibnías.

⁹Te yermanotac ta jujuchahp sts'umbal, ay waclajuneb swaxacwinic yoxbahc' (956) ta tuhl. Spisilic ini ha jtsobawetic yu'un jujuchahp sna sme'static.

¹⁰Ay sacerdotehetic tey a: ha te Jedaías, Joiarib, Jaquín,

¹¹soc te Azarías snich'an Hilcías, snich'an Mesulam, snich'an Sadoc, snich'an Meraiot, snich'an Ahitob, te príncipal ta sna Dios;

¹²soc te Adaía snich'an Jeroham, snich'an Pasur, snich'an Malquías; te Masai snich'an Adiel, snich'an Jazera, snich'an Mesulam, snich'an Mesilemit, snich'an Imer;

¹³soc te yermanotac, te jtsobawetic yu'un jujuchahp sna sme'static, ay waxacwinic yo'bahc' (1,760) winiquetic te ya xhu' yu'unic spasel te a'tel ta sna te Diose.

¹⁴Ta sts'umbal levitahetic: ha te Semaías snich'an Hasub, snich'an Azricam, snich'an Hasabías, te ha sts'umbal Merari;

¹⁵soc te Bacbacar, Heres, Galal, soc Matanías snich'an Micaía, snich'an Zicri, snich'an Asaf;

¹⁶soc Obadías snich'an Semaías, snich'an Galal, snich'an Jedutún; soc Berequías snich'an Asa, snich'an Elcana, te nahinem ta tut pueblohetic yu'un te netofatitahetic.

¹⁷Te jcanan-ti'nahiletic: Salum, Acub, Talmón, Ahimán soc te yermanotac. Te Salum ha jtsobaw yu'unic.

¹⁸C'alal ora tey ayic a ta scanantayel te puerta yu'un ajwalil ta stojol banti ya xloc' tal c'ahc'al. Ha jcanan-ti'nahiletic ta yohlil te campamento yu'un te levitahetique.

¹⁹Te Salum snich'an Coré, snich'an Ebiasaf, snich'an Coré, soc spisil te yermanotac te ha sts'umbal Coré, ay ta scuentahic scanantayel yochibal te Nahilpac' Templo, hich te bin ut'il la spasic ta namey te static, te la scanantayic te yochibal campamento yu'un Jehová.

²⁰Te Finees snich'an Eleazar, ha jtsobaw yu'unic ta nahil to, soc joquimbil yu'un Jehová.

²¹Te Zacarías snich'an Meselemías, ha jcanan-ti'nahil yu'un te Nahilpac' Templo yu'un tahojibal.

²²Ta spisilic ini, te tsahbilic scuenta jcanan-ti'nahil, ay lahchayeb sbuluchwinic (212) ta tuhl, ts'ihbabil hilel sbihilic ta scuenta jujuchahp sts'umbalic ta pueblohetic yu'unic, ha a'bot ye'talic yu'un te David soc te Samuel te jalwanej yu'un Dios.

²³Ha'ic soc te snich'nabic la sjel sbahic ta scanantayel te yochibal sna Jehová, ha te Nahilpac' Templo.

²⁴Te jcanan-ti'nahiletic ayic ta schanxuhcul: ha ta banti ya xloc' tal c'ahc'al, ta smahlib c'ahc'al, ta stojol norte, soc ta stojol sur.

²⁵Te yermanotac te ayic ta tut pueblohetic yu'unic ya xtal sjel sbahic ta huc-huqueb c'ahc'al.

²⁶Pero te chantuhl príncipal jcanan-ti'nahil levitahetic spisil ora ay ta scuentahic scanantayel te cuartohetic soc te c'ulejalil ta sna te Diose.

²⁷Ya xc'ax ahc'abal yu'unic ta sjoyobal te sna Dios, como ha ay ta scuentahic scanantayel soc sjamel ta jujun sab.

²⁸Ay levitahetic te ay ta scuentahic te bintic ya xtuhun ta templo, ya yahtayic loq'uel soc ya yahtayic ochel.

²⁹Ay yantic te ay ta scuentahic te biluquetic soc spisil bintic ya xtuhun ta ch'ul awilal, te harina, vino, aceite, pom soc te bintic sumet yic'.

³⁰Ay cha'oxtuhl snich'nab sacerdotehetic te ya spasic te perfumehetique.

³¹Ay jtuhl sts'umbal Leví, ha te Matatías te sba-nich'an Salum, sts'umbal Coré, ay ta scuenta spasel te panetic ta sartén.

³²Ay cha'oxtuhl yermanotac ta sts'umbal Coat te ay ta scuentahic spasel te pan ya yich' aq'uel ta stojol Dios te ya scholic ta mesa jujun sc'ahc'alel cux-o'tan.

³³Soc ay jc'ayojetic, ha jtsobawetic yu'un te jujuchahp sts'umbal Leví, tey nahinemic ta cuartohetic ta templo. Mayuc yan ya'telic, como c'ahc'al ahc'abal ay ta scuentahic c'ayoj.

³⁴Ha'ic jtsobawetic yu'un jujuchahp sna te cajalcaj sts'umbal levitahetic te nahinemic ta Jerusalén.

³⁵Ta Gabaón tey nahin a te Jehiel te stat Gabaón, Maaca sbihil te yihname.

³⁶Te sba-nich'an ha Abdón, patil Zur, Cis, Baal, Ner, Nadab,

³⁷Gedor, Ahío, Zacarías soc Miclot;

³⁸te Miclot ha stat Simeam. Ha nix hich tey nahinic ta Jerusalén soc te yermanotaque.

³⁹Te Ner, ha stat Cis; te Cis, ha stat Saúl; te Saúl, ha stat Jonatán, Malquisúa, Abinadab soc Es-baal.

⁴⁰Te snich'an Jonatán, ha te Merib-baal; te Merib-baal, ha snich'an te Micaía.

⁴¹Te snich'nab Micaía, ha te Pitón, Melec, Tarea soc Acaz.

⁴²Te Acaz, ha stat Jara; te Jara, ha stat Alemet, Azmavet soc Zimri. Te Zimri, ha stat Mosa;

⁴³te Mosa, ha stat Bina; te Bina, ha stat Refaías; te Refaías, ha stat Elasa; te Elasa, ha stat Azel.

⁴⁴Ay wactuhl snich'nab te Azel, hich ay te sbihilique: Azricam, Bocru, Ismael, Searías, Obadías soc Hanán. Ha'ic ini te snich'nab Azel.