Read Tzeltal 2 Crónicas 27 Bible Online

2 Crónicas 27 - Tzeltal bible

2 Crónicas 27

¹Te Jotam ay ho'eb scha'winic (25) ya'bilal a te c'alal och ta ajwalil, waclajuneb (16) ha'bil ay ta ajwalil ta Jerusalén. Jerusa sbihil te snan, ha yantsil-nich'an Sadoc.

²Toj bin la spas ta stojol Jehová, hich te bin ut'il la spas te Uzías te state, ha nax ma ba och bahel ta templo yu'un te Jehová. Yan te pueblo stalel yac spasbelic a te bin chopole.

³Te Jotam la spas te muc'ul yochibal te sna Jehová soc la spas bayel a'tel ta ts'ahc ta Ofel.

⁴Soc la spas pueblohetic ta witsiltic yu'un Judá, soc ahnibal ts'ahquetic soc ilo-q'uinaletic ta tohyem te'etic.

⁵La ya'be guerra te ajwalil yu'un Amón soc la stsal; ha nix ta ha'bil a te amonetic la ya'beyic ho'winic (100) talento[45] plata, jpic soc ho'bahc' (10,000) coro[46] trigo soc ha nix hich te cebada. Ha nix hich la yaq'uic ta schebal soc yoxebal ha'bil.

⁶Hich te Jotam la yich' yip yu'un toj behen ta stojol Jehová te Dios yu'une.

⁷Te bintic xan ya'tel te Jotam, spisil te guerrahetic yu'un soc te bintic la spas, ts'ihbabil hilel ta libro yu'un te ajwaliletic yu'un Israel soc yu'un Judá.

⁸Ay ho'eb scha'winic (25) ya'bilal a te c'alal och ta ajwalil; waclajuneb (16) ha'bil ay ta ajwalil ta Jerusalén.

⁹Cham[47] te Jotam, la smuquic ta Pueblo yu'un David. Ha la sjelolin ta ajwalil te Acaz te snich'ane.