Read Tzeltal Nehemías 12 Bible Online

Nehemías 12 - Tzeltal bible

Nehemías 12

¹Ha te sacerdotehetic soc levitahetic ini te suhtic tal soc Zorobabel snich'an Salatiel, soc Jesúa: ha te Seraías, Jeremías, Esdras,

²Amarías, Maluc, Hatús,

³Secanías, Rehum, Meremot,

⁴Ido, Gineto, Abías,

⁵Mijamín, Maadías, Bilga,

⁶Semaías, Joiarib, Jedaías,

⁷Salú, Amoc, Hilcías soc Jedaías. Ha'ic te príncipaletic yu'un te sacerdotehetic soc te yermanotac ta yorahil te Jesúa.

⁸Te levitahetic: ha te Jesúa, Binuy, Cadmiel, Serebías, Judá soc Matanías, te scuentahinejic soc yermanotac te c'ayojetic scuenta sc'ayojtaybeyel yutsilal te Diose.

⁹Te Bacbuquías, Uni soc te yermanotac, jujutuhl ta ya'telic.

¹⁰Te snich'an Jesúa ha te Joiacim, te snich'an Joiacim ha te Eliasib, te snich'an Eliasib ha te Joiada,

¹¹te snich'an Joiada ha te Jonatán, te snich'an Jonatán ha te Jadúa.

¹²Ta yorahil te Joiacim, te jtsobaw sacerdotehetic yu'un chahpalchahp snahic, ha'ic ini: ta jchahp yu'un Seraías, ha te Meraías; yu'un Jeremías, ha te Hananías;

¹³yu'un Esdras, ha te Mesulam; yu'un Amarías, ha te Johanán;

¹⁴yu'un Melicú, ha te Jonatán; yu'un Sebanías, ha te José;

¹⁵yu'un Harim, ha te Adna; yu'un Meraiot, ha te Helcai;

¹⁶yu'un Ido, ha te Zacarías; yu'un Ginetón, ha te Mesulam;

¹⁷yu'un Abías, ha te Zicri; yu'un Miniamín soc yu'un Moadías, ha te Piltai;

¹⁸yu'un Bilga, ha te Samúa; yu'un Semaías, ha te Jonatán;

¹⁹yu'un Joiarib, ha te Matenai; yu'un Jedaías, ha te Uzi;

²⁰yu'un Salai, ha te Calai; yu'un Amoc, ha te Eber;

²¹yu'un Hilcías, ha te Hasabías; yu'un Jedaías, ha te Natanael.

²²Te jtsobawetic yu'un te jujuchahp sna te levitahetic ta yorahil Eliasib, Joiada, Johanán soc Jadúa la yich'ic ts'ihbayel sbihilic soc nix te sacerdotehetic ta yorahil ay ta ajwalil te Darío te persa-winique.

²³Te sts'umbal Leví, te jtsobawetic yu'un jujuchahp na, la yich'ic ts'ihbayel ta libro yu'un crónicas ha to ta yorahil Johanán snich'an Eliasib.

²⁴Te príncipaletic yu'un te levitahetic: ha te Hasabías, Serabías, Jesúa snich'an Cadmiel soc te yermanotac sitinej sbahic soc, yu'un ya sc'ayojtaybeyic yutsilal soc yalbeyel wocol te Dios, chahpalchahp ya xc'axic, hich te bin ut'il yaloj David te winic yu'un Dios.

²⁵Te Matanías, Bacbuquías, Obadías, Mesulam, Talmón soc Acub, ha jcanan-ti'nahiletic, la ya'iyic canantaywanej ta ochibaletic ta puertahetic.

²⁶Ha'ic ini cuxulic ta yorahil te Joiacim snich'an Jesúa, snich'an Josadac, soc ta yorahil te gobernador Nehemías soc te sacerdote-maestro Esdras.

²⁷Scuenta yu'un ya yich' aq'uel ta stojol Dios te sts'ahcul Jerusalén, la slehic te levitahetic ta spisil lugaretic banti nahinemic, la yiq'uic tal ta Jerusalén scuenta yu'un ya spasic te q'uin yu'un yaq'uel ta stojol Dios te ts'ahc ta scuenta yalbeyel yutsilal soc c'ayojetic, platillo, arpa soc lirahetic.

²⁸Te jc'ayojetic talic ta sjoyobal te Jerusalén soc ta tut pueblohetic yu'un Netofa;

²⁹ta Bet Gilgal soc ta sq'uinal Geba soc Azmavet, como te jc'ayojetic spasojiquix tut pueblohetic ta sjoyobal Jerusalén.

³⁰La slecubtes sbahic te sacerdotehetic soc te levitahetic, patil la slecubtesic te pueblo, te puertahetic soc te ts'ahque.

³¹Patil la jcac' mohuc ta ts'ahc te príncipaletic ta Judá, soc la jcac' cha'chahp muc'ul corohetic te ya xbehenic ta sba te ts'ahque. Te jun coro behenic bahel ta wa'el ta stojol te Ochibal yu'un Tsa'najibal.

³²Ta spat te coro behen Osaías soc j'ohlil te príncipaletic yu'un Judá,

³³te Azarías, Esdras, Mesulam,

³⁴Judá, Benjamín, Semaías soc Jeremías,

³⁵soc ay sacerdotehetic te behenic soc cornetahetic: ha te Zacarías snich'an Jonatán, snich'an Semaías, snich'an Matanías, snich'an Micaías, snich'an Zacur, snich'an Asaf,

³⁶soc te yermanotac, ha te Semaías, Azarael, Milalai, Gilalai, Maai, Natanael, Judá soc Hanani. Yich'ojic te a'tejibaletic yu'un música yu'un David te winic yu'un Dios. Ha nahil yu'unic te maestro Esdras.

³⁷Ta Ochibal yu'un Sloq'uib-ha' toj mohic ta cajalcaj yu'un te Pueblo yu'un David, ta mohibal yu'un te ts'ahc, c'alal ta sna David ha to ta Yochibal Ha' ta stojol banti ya xloc' tal c'ahc'al.

³⁸Te scha'chahpal coro behen bahel ta q'uexam; tap'alon bahel ta spatic ta sba ts'ahc soc j'ohlil xan te pueblo, c'alal ta ilo-q'uinal yu'un Hornohetic ha to ta pimil ts'ahc,

³⁹c'axotic bahel ta Yochibal Efraín, ta Poco' Puerta, ta Ochibal yu'un Chay, ta ilo-q'uinal Hananeel soc te ilo-q'uinal yu'un Ho'winic, c'alal ta Ochibal yu'un Tuminchijetic; quehchajic ta Ochibal yu'un Jcananetic.

⁴⁰Patil te cheb corohetic bahtic ta sna Dios; ha nix hichon soc j'ohlil te mach'atic ay ya'telic te sjoquinejonic,

⁴¹soc te sacerdotehetic Eliacim, Maaseías, Miniamín, Micaías, Elioenai, Zacarías, Hananías soc cornetahetic,

⁴²soc te Maasías, Semaías, Eleazar, Uzi, Johanán, Malquías, Elam soc Ezer. Te jc'ayojetic tulan yacalic ta c'ayoj; ha jach-c'ayoj yu'unic te Izrahías.

⁴³Ta hich ora la yaq'uic bayel milbil mahtaniletic, mero tse'el yo'tanic yu'un, como Dios ya'beyej bayel yutsil yo'tanic. Ha nix hich tse'el yo'tanic te antsetic soc te alaletic. Namal chican ta a'iyel xjuyetic ta Jerusalén.

⁴⁴Ta hich ora ay winiquetic la yich' a'beyel ya'telic ta scuentahinel te yawil mahtaniletic, sba sit awal-ts'unubil soc te jun ta slajunebal, yu'un ya yich'ic q'uejel tey a te bintic ya yich'ic tal ta pueblohetic te ya yich'ic a'beyel te sacerdotehetic soc te levitahetic te hich ya yal te Ley. Como te mach'atic yu'un Judá mero tse'el yo'tanic ta stojol te sacerdotehetic soc te levitahetic te yaquic ta a'tele.

⁴⁵La spasic te a'tel ta stojol te Dios yu'unic soc te a'tel scuenta lecubtesel, la spasic soc te jc'ayojetic soc te jcanan-ti'nahiletic, hich te bin ut'il yaloj mandar te David soc Salomón te snich'ane.

⁴⁶Como ta namey, ta yorahil David soc Asaf, ay hach-c'ayoj yu'un te jc'ayojetic te ya xc'ayojinic ta yalbeyel yutsilal soc ta yalbeyel wocol te Diose.

⁴⁷Ta yorahil Zorobabel soc Nehemías spisil Israel la ya'beyic swe'elic scuenta jujun c'ahc'al te jc'ayojetic soc te jcanan-ti'nahiletic. Soc parte la yaq'uic te swe'elic te levitahetic; soc te levitahetic parte la yaq'uic te swe'elic te snich'nab Aarón.