Read Tzeltal Nehemías 7 Bible Online

Nehemías 7 - Tzeltal bible

Nehemías 7

¹C'alal hu' ta cha'pasel te ts'ahc soc te la yich' otsesel te puertahetic, la yich' lehel jcanan-ti'nahiletic, jc'ayojetic soc levitahetic.

²La jca'be scuentahin Jerusalén te quermano Hanani, soc te Hananías te jtsobaw yu'un te ahnibal ts'ahc (como ha winic te jun yo'tan soc yich'oj ta muc' te Diose, c'ax hich a te bin ut'il yantic),

³hich la jcalbe: Ma ba ya yich'ic jamel te puertahetic yu'un Jerusalén ha to c'alal ya xq'uixnaj q'uinal yu'un te c'ahc'al, soc ya yich'ic maquel soc a'beyel sc'atal-te'el te c'alal ma to xmahl a te c'ahc'ale, xchihon. Soc ta yohlil te winiquetic yu'un Jerusalén la jcotses jcananetic, j'ohlil ta yawilic, j'ohlil ta stojol te snahic, xchihon.

⁴Como muc' soc jamal te pueblo, pero mayuc tsobolic tey a, soc mayuc tsobol nahetic te cha'pasticlambilic.

⁵Dios la ya'bon ta co'tan te ya stsob sbahic te mach'atic ich'bilic ta muc', te mach'atic ay ya'telic, soc te pueblo, scuenta yu'un ya yich'ic ts'ihbayel sbihilic ta chahpalchahp sts'umbalic. La jta te libro te banti ts'ihbabil te chahpalchahp sts'umbalic te mach'atic nahil hulic tal, hich la jta te bin ts'ihbabil tey a:

⁶Ha'ic ini te mach'atic ayic ta Judá te suhtemic tal ta chuquel, te chucotic bahel yu'un te Nabucodonosor ajwalil yu'un Babilonia, te suhtic tal ta Jerusalén soc ta Judá, jujutuhl ta jujun sq'uinalic.

⁷Te mach'atic suhtic tal soc Zorobabel, Jesúa, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum soc Baana:

⁸Te sts'umbal Paros, ho'bahc' soc lahchayeb sbalunwinic (2,172);

⁹te sts'umbal Sefatas, lahchayeb sbalunlajunwinic (372);

¹⁰te sts'umbal Ara, lajunwinic scha'bahc' soc lahchayeb yoxwinic (652);

¹¹te sts'umbal Pahat-moab, ha te sts'umbalic te Jesúa soc Joab, hucbahc' soc waxaclajuneb (2,818);

¹²te sts'umbal Elam, oxbahc' soc chanlajuneb yoxwinic (1,254);

¹³te sts'umbal Zatu, cha'bahc' soc ho'eb yoxwinic (845);

¹⁴te sts'umbal Zacai, ho'lajunwinic scha'bahc' soc oxwinic (760);

¹⁵te sts'umbal Binuy, lajunwinic scha'bahc' soc waxaqueb yoxwinic (648);

¹⁶te sts'umbal Bebai, lajunwinic scha'bahc' soc waxaqueb scha'winic (628);

¹⁷te sts'umbal Azgad, ho'bahc' soc cheb shuclajunwinic (2,322);

¹⁸te sts'umbal Adonicam, lajunwinic scha'bahc' soc huqueb schanwinic (667);

¹⁹te sts'umbal Bigvai, ho'bahc' soc huqueb schanwinic (2,067);

²⁰te sts'umbal Adín, lajunwinic scha'bahc' soc ho'lajuneb yoxwinic (655);

²¹te sts'umbal Ater, ta scuenta Ezequías, waxaclajuneb yo'winic (98);

²²te sts'umbal Hasum, waxaqueb shuclajunwinic (328);

²³te sts'umbal Bezai, chaneb shuclajunwinic (324);

²⁴Te sts'umbal Harif, lahchayeb swacwinic (112);

²⁵te sts'umbal Gabaón, ho'lajuneb yo'winic (95).

²⁶Te winiquetic yu'un Belén soc Netofa, waxaqueb slajunwinic (188);

²⁷te winiquetic yu'un Anatot, waxaqueb shucwinic (128);

²⁸te winiquetic yu'un Bet-azmavet, cheb yoxwinic (42);

²⁹te winiquetic yu'un Quiriat-jearim, Cafira soc Beerot, ho'lajunwinic scha'bahc' soc oxeb yoxwinic (743);

³⁰te winiquetic yu'un Ramá soc Geba, lajunwinic scha'bahc' soc jun scha'winic (621);

³¹te winiquetic yu'un Micmas, cheb shucwinic (122);

³²te winiquetic yu'un Bet-el soc Hai, oxeb shucwinic (123);

³³te winiquetic yu'un te yan Nebo, lahchayeb yoxwinic (52);

³⁴te sts'umbal te yan Elam, oxbahc' soc chanlajuneb yoxwinic (1,254);

³⁵te sts'umbal Harim, waclajunwinic (320);

³⁶te sts'umbal Jericó, ho'eb swaxaclajunwinic (345);

³⁷te sts'umbalic Lod, Hadid soc Ono, jun shuclajunwinic scha'bahc' (721);

³⁸te sts'umbal Senaa, lajuneb shuclajunwinic slajunbahc' (3,930).

³⁹Te sacerdotehetic: te sts'umbal Jedaías, te scuenta te sna Jesúa, ho'winic yoxbahc' soc oxlajuneb schanwinic (973);

⁴⁰te sts'umbal Imer, lajunwinic yoxbahc' soc lahchayeb yoxwinic (1,052);

⁴¹te sts'umbal Pasur, oxbahc' soc huqueb yoxwinic (1,247);

⁴²te sts'umbal Harim, lajunwinic yoxbahc' soc huclajuneb (1,017).

⁴³Te levitahetic: te sts'umbal Jesúa, sts'umbal Cadmiel, ta scuenta sts'umbal Hodavías, chanlajuneb chanwinic (74).

⁴⁴Te jc'ayojetic: te sts'umbal Asaf, waxaqueb swaxacwinic (148).

⁴⁵Te jcanan-ti'nahiletic: te sts'umbalic Salum, Ater, Talmón, Acub, Hatita, soc Sobai, waxaclajuneb shucwinic (138).

⁴⁶Te a'batetic ta templo: te sts'umbal Ziha, Hasufa, Tabaot,

⁴⁷Queros, Siaha, Padón,

⁴⁸Lebana, Hagaba, Salmai,

⁴⁹Hanán, Gidel, Gahar,

⁵⁰Reaía, Rezín, Necoda,

⁵¹Gazam, Uza, Paseah,

⁵²Besai, Meunim, Nefisesim,

⁵³Bacbuc, Hacufa, Harhur,

⁵⁴Bazlut, Mehída, Harsa,

⁵⁵Barcos, Sísara, Tema,

⁵⁶Nezía soc Hatifa.

⁵⁷Te sts'umbal te a'batetic yu'un Salomón: te sts'umbal Sotai, Soferet, Peruda,

⁵⁸Jaala, Darcón, Gidel,

⁵⁹Sefatías, Hatil, Poqueret-hazebaim soc Amón.

⁶⁰Spisil te a'batetic yu'un te Templo soc te sts'umbal te a'batetic yu'un Salomón, ha balunlajunwinic soc lahchayeb (392) ta tuhl.

⁶¹Ha'ic ini te mach'atic loq'uic tal ta Tel-mela, Tel-harsa, Querub, Adón soc Imer, te ma ba hu' yu'unic yaq'uel ta na'el teme sts'umbalic Israel te sna sme'static:

⁶²ha te sts'umbal Delaía, Tobías, soc Necoda, lajunwinic scha'bahc' soc cheb yoxwinic (642).

⁶³Te sacerdotehetic: ha te sts'umbal Habaía, Cos, soc Barzilai, ha te nuhpun soc jtuhl yantsil-nich'an Barzilai te talem ta Galaad, te ich'bot sbihil yu'une.

⁶⁴Ha'ic la slehbeyic ta lista te sbihilic te jujuchahp sts'umbal, pero ma ba tahbot, ha yu'un la yich'ic loq'uesel ta sacerdotehil.

⁶⁵Halbotic yu'un te gobernador te ma xhu' ya swe'ic te ch'ultesbil we'eliletic, ha to teme ay sacerdote te ya stuhun te Urim soc Tumim.

⁶⁶Ta spisil te pueblo, ha ho'pic soc waxaclajunwinic swacbahc' (42,360) ta tuhl;

⁶⁷ma ba ahtaybil te a'bat yu'unic, te ay waxaclajunbahc' soc huclajuneb shucwinic (7,337). Soc ay ho'eb yoxlajunwinic (245) jc'ayoj winiquetic soc antsetic.

⁶⁸Ay ho'lajunwinic scha'bahc' soc waclajuneb scha'winic (736) cawuhetic, ho'eb yoxlajunwinic (245) mulahetic,

⁶⁹jbahc' soc ho'lajuneb scha'winic (435) camellohetic, soc waclajunbahc' soc waclajunwinic (6,720) burrohetic.

⁷⁰Ay tatiletic yu'un jujuchahp na te la yaq'uic mahtaniletic yu'un te a'tele. Te gobernador la yac' ta yawil c'ulejalil lajunwinic yoxbahc' (1,000) dracma[4] oro, lajuneb yoxwinic (50) muc'ul tazahetic, soc lajuneb shucwinic scha'bahc' (530) ta lihc snahtil-c'u' sacerdotehetic.

⁷¹Te tatiletic yu'un jujuchahp na la yaq'uic ta yawil c'ulejalil cha'pic soc lajunbahc' (20,000) dracma[5] oro yu'un te a'tel, soc lajunwinic swacbahc' (2,200) libra[6] plata.

⁷²Te yantic xan te pueblo la yaq'uic cha'pic soc lajunbahc' (20,000) dracma oro, ho'bahc' (2,000) libra[7] plata, soc huqueb schanwinic (67) ta lihc snahtil-c'u' sacerdotehetic.

⁷³Te sacerdotehetic, levitahetic, jcanan-ti'nahiletic, jc'ayojetic, te mach'atic yu'un te pueblo, te a'batetic yu'un te Templo soc spisil Israel nahinic ta jujuntic pueblo yu'unic. Ta shuquebal u, te snich'nab Israel ayiquix ta pueblohetic yu'unic.