Read Tzeltal Job 23 Bible Online

Job 23 - Tzeltal bible

Job 23

¹La sjac' te Job, hich la yal:

²Yo'tic ya to xc'opojon soc xut'ulil q'uinal ya ca'iy, como al te sc'ab aunque yacon ta ahcan.

³¡Ayuc bin ut'il ya jna' banti ya xhu' ya jta te Diose! Ya jta c'ohel te banti hucul te hichuque,

⁴ya calbe bin ut'il ay jwocol, bayel bintic ya cal te mayuc jmul.

⁵Co'tanuc ya jna' te bin ya sutbon, soc yacuc quich' ta cuenta te bin ya yalbon.

⁶¿Ya bal stenon ta c'op ta smuc'ul yip? ¡Ma'uc, ya me ya'iybon stuquel te jc'ope!

⁷Te mach'a toj ta winiquil tey ya xhu' ya yalbe swocol ta stojol, hich ya xcolon ta libre sbahtel q'uinal yu'un te juez cu'un te hichuque.

⁸Teme ya xbohon ta stojol banti ya xloc' tal c'ahc'al, ma ba tey ay a; teme ta stojol smahlib c'ahc'al, ma ba ya jta.

⁹Teme ya yac' ta ilel yu'el ta norte,[11] ma ba ya quil; teme ya xbaht ta stojol sur, ha nix hich ma ba chican.

¹⁰Pero ha ya sna' te be cu'une: teme ya spason ta prueba, lec ya xloc'on hich te bin ut'il oro.

¹¹Ha jt'umbeyej te yoc te banti yac ta bahel; hilon ta be yu'un, ma ba la jquihquitay.

¹²Mayuc bin ora la jquihquitay jba ta stojol te mandariletic te yaloje, la jq'uej ta co'tan te bintic yaloj.

¹³Pero teme ay bin ya sc'an ya spas, ¿mach'a ya xhu' ya syanijtes? Ya spas te bin ya sc'an yo'tan stuquel.

¹⁴Ya sc'ohtes ta pasel te bin chapal yu'un ta jtojol, soc ay to bayel hich chapal yu'un.

¹⁵Ha yu'un te bayel ya xiwon ta stojol; te c'alal ya jna', bayel ya jxi' yu'un.

¹⁶Dios la slajimbon yip co'tan; ya'beyejon tulan xiwel te Mach'a ya xhu' yu'un.

¹⁷Pero ma ba ya scomon ta c'op te yihc'al q'uinal, o te spimil yihc'al q'uinal te ya smacbon jsit quelaw.