Read Tzeltal Job 26 Bible Online

Job 26 - Tzeltal bible

Job 26

¹La sjac' te Job, hich la yal:

²¿Bin ut'il la acoltay te mach'a mayuc yip? ¿Bin ut'il la acanantaybe sc'ab te mayuc yipe?

³¿Bin a te la awa'be snop te mach'a mayuc bin ya sna'? ¿Bayel bal p'ijil-o'tanil la awac' ta na'el?

⁴¿Mach'a la scoltayat ta yalel te c'opetic ini? ¿Mach'a yu'un te espíritu te c'opoj ta awe? xchi te Job.

⁵Ta sc'ubulil mar ya xnihquic te sch'uhlelic mach'atic chamenic, ya xnihquic te mar soc te mach'atic tey ayic a.

⁶Ma ba macal ta sit Dios te stsobojibal mach'atic chamenic, mayuc smahquil te Yawil Lajinel.

⁷Dios ya slim bahel ta yohl q'uinal te ch'ulchan ta norte, mayuc banti jipil yu'un te bahlumilale.

⁸Ya spots ta tocal te ha'etic, pero te tocal ma ba ya xlohm yu'un yalal.

⁹Ya smacbe sit te yijil u, ya smacbe ta tocal.

¹⁰Ya'beyej sti'il te sba te ha' te banti quechel te sacal q'uinal soc te yihc'al q'uinale.

¹¹Ya xnihquic soc ya xiwic te yoyal te ch'ulchan yu'un te tulan c'op yu'une.

¹²Ta scuenta yu'el la syuc' te mar, ta scuenta sp'ijil la slajin te Rahab.

¹³La shuhxiy bahel te tocaletic ta ch'ulchan; ta sc'ab la slow te chan te xyalet ta behel.

¹⁴¡Pero ha jteb nax te ya'tel ini; ha tut sajsaj-c'op te la jca'iybetic sc'oblal! ¿Mach'a ya xhu' yu'un sna'beyel te st'ohmel yip yu'ele? xchi te Bildad.