Read Tzeltal Salmos 101 Bible Online

Salmos 101 - Tzeltal bible

Salmos 101

¹Salmo yu'un David. Ya jc'ayojtaybat sc'oblal te sc'uxul awo'tan soc te stojil ya xchahpanwanat; ha'at ya jc'ayojtayat, Jehová.

²Ya jc'an te toj ya xbehenon ta lequil be. ¿Bin ora ya xtalat ta jtojol? Toj bin ya jpas te c'alal ayon ta jna.

³Ma ba ya cac' ta stojol jsit te bin chopol. Ya quihlaybe ya'tel te mach'atic ya xhowiyic bahel; ma xcac' ya xnohpojic ta jtojol.

⁴Namal ya xhil ta jtojol te bin chopol ay ta nopel; ma ba ya jpas te bin chopole.

⁵Ya jcom te mach'a muquen ya sle ta c'op te spat-xuhc; ma jc'an te mach'a jtoyba soc te muc' ya yac' sbahe.

⁶Ha ya cac' jsit ta stojol te mach'atic jun yo'tanic, scuenta yu'un ya sjoquinonic; te mach'a yac ta behel ta lequil be, ha me ya ca'batin.

⁷Te mach'a ya xlo'loywan ma ba ya xnahin ta jna; te mach'a ya ya'iy lot ma xhu' ya x'ayin ta jtojol.

⁸Ta jujun sab ya jlajinlan spisil te mach'atic chopolic ta q'uinal, scuenta yu'un ya xlaj ta muc'ul pueblo yu'un Jehová spisil mach'atic ya spasic te bin chopol.