Read Tzeltal Salmos 108 Bible Online

Salmos 108 - Tzeltal bible

Salmos 108

¹C'ayoj; ha salmo yu'un David. Jun co'tan ta atojol, Dios cu'un; ya jc'ayojtay salmohetic, ha cutsilal ini.[29]

²¡Hahchan, arpa soc lira! Ya jtij hahchel te sacubel q'uinal.

³Ya calbat yutsil ac'oblal, Jehová, ta yohlil te pueblohetic; ya jc'ayojtaybat salmohetic ta yohlil te nacionetic,

⁴como c'ax hich sc'uxul awo'tan a te bin ut'il smuc'ul te ch'ulchan; te stalel jun awo'tan, c'ohem c'alal ta syaxal ch'ulchan.

⁵C'ax hich toybiluc ac'oblal a te bin ut'il te ch'ulchan, Dios cu'un, soc ac'a nojuc ta awutsilal ta spisil te lumq'uinale.

⁶Coltaya ta swa'el ac'ab soc jac'bon jc'op, scuenta yu'un ya xcolic ta libre te mach'atic c'ux ta awo'tan.

⁷Te Dios hich yaloj ta ch'ul awilal yu'un: Tse'el co'tan ya jpucticlan te sq'uinal Siquem soc ya jp'is te spamlej Sucot.

⁸Ho'on cu'un te Galaad soc te Manasés; te Efraín ha smahquil jol; te Judá ha jbastón.

⁹Te Moab ha spocojibal jc'ab, ya jch'oj bahel jtep ta stojol Edom; ya x'awonon yu'un tsalaw ta stojol te Filistea, xchi te Diose.

¹⁰¿Mach'a ya yic'on bahel ta muc'ul pueblo te joybil ta ts'ahc? ¿Mach'a ya yic'on bahel ta Edom?

¹¹¿Ma bal ha'ucat, Dios cu'un, te la ap'ajotcotic soc te ma ba ya xloc'atix bahel soc te soldadohetic cu'uncotique?

¹²Coltayawotcotic ta scontrahinel te jcontracotic, como ma xtuhun te coltayel yu'un te winique.

¹³Ya me ca'iytic tsalaw ta scuenta Dios, ha me ya sts'o' ta teq'uel te jcontratique.