Read Tzeltal Salmos 11 Bible Online

Salmos 11 - Tzeltal bible

Salmos 11

¹Yu'un jach-c'ayoj. Ha salmo yu'un David. Ha smuc'ulinej co'tan te Jehová; ¿bin yu'un hiche te hich yac awalbon: Ahnan bahel ta wits hich te bin ut'il mut,

²como te mach'atic chopol yo'tanic ya st'imic st'ihmalte'ic, ya yaq'uic ta schihal te ya'tejibalul t'ihmalte' yu'un ya st'imbeyic bahel ta muquen te mach'atic toj yo'tanique.

³Teme ya yich'ic jinticlanel banti yich'oj yip te bintic lec ta pasel, ¿bin ya xhu' ya spas te mach'a lec yo'tan? te xchihate?

⁴Te Jehová ay ta ch'ul Templo yu'un; ay ta ch'ulchan te smuc'ul-huctajib Jehová. Ya yil ta lec te ants-winiquetic, ya stsahtay yil ta sit.

⁵Te Jehová ya spas ta prueba te mach'a toj yo'tan; pero te mach'a chopol yo'tan soc te mach'a ya smulan uts'inwanej ha ya xp'ajotic yu'un.

⁶Ta stojol te mach'atic chopolic ya me yac' cohuc tal wocoletic hich te bin ut'il ha'al; ya x'a'bot yich'ic ac'al, azufre soc c'ahc'al ic'.

⁷Como toj yo'tan te Jehová soc c'ux ya ya'iy ta yo'tan te bin toj ta pasele; te mach'a toj ta winiquil ya me yilbe sit yelaw.