Read Tzeltal Salmos 114 Bible Online

Salmos 114 - Tzeltal bible

Salmos 114

¹Te c'alal loc' tal ta Egipto te Israel, ha te sna Jacob ta pueblo te yan te sc'opique,

²ha ch'ul awilal yu'un Jehová c'oht te Judá, te Israel ha cuentahinot yu'un.

³Te mar ha la yil, hich loc' ta ahnel, te muc'ul-ha' Jordán suht ta spat.

⁴Te witsetic hich wihlic te bin ut'il tat tuminchijetic, te tsehltsehltic hich wihlic te bin ut'il tut tuminchijetic.

⁵Mar, ¿bin yu'un ahnat? Ha'at, Jordán, ¿bin yu'un te suhtat ta apat?

⁶Ha'ex, witsetic, ¿bin yu'un wihlex hich te bin ut'il tat tuminchijtic? ha'ex, tsehltsehletic, ¿bin yu'un wihlex hich te bin ut'il tut tuminchijetic?

⁷Ha'at, lumq'uinal, nihcan me ta stojol Jehová, ta stojol te Dios yu'un Jacob,

⁸te la sc'atp'un ta pamal ha' te muc'ul ton, te la sc'atp'un ta sloq'uib-ha' te tulan ton.