Read Tzeltal Salmos 120 Bible Online

Salmos 120 - Tzeltal bible

Salmos 120

¹C'ayoj yu'un mohel bahel ta Jerusalén. Te c'alal ayon ta wocol, ya cawtay te Jehová, ya sjac'bon jc'op.

²Coltayawon, Jehová, ta sc'ab te jlotetic, ta sc'ab te jlo'loywanejetique.

³¿Bin ya ya'bat te Diose, bin xan ya ya'bat, ha'at jlo'loywanejat?

⁴Ha ya ya'bat ya'tejibal t'ihmalte'etic te ay ye soc tsajuben yac'alel enebro-te'.

⁵¡Obol jba te nahinemon ta Mesec, te nahinemon ta yohlil te nahilpaq'uetic yu'un Cedar!

⁶Nameyix te nahinemon ta yohlil te mach'atic ya sp'ajic te lamal q'uinal.

⁷Ho'on lamal co'tan, pero c'alal ya calbe sc'oblal lamal q'uinal, ha'ic ya sc'anic guerra.