Read Tzeltal Salmos 124 Bible Online

Salmos 124 - Tzeltal bible

Salmos 124

¹Te manchuc la yac' sba ta jts'ehltic te Jehová, hich ac'a yal te Israel,

²te manchuc la yac' sba ta jts'ehltic te Jehová, te c'alal hahch scontrahinotic te winiquetic,

³te c'alal tihl yilimbahic ta jtojoltic, cuxulotic to a la sbic'ticlanotic te hichuque.

⁴La smucotic te snojel ha', la yehanotic bahel te snojel ha',

⁵la yehanotiquix bahel te yip ha'etic te hichuque.

⁶¡Bayel me yutsil te Jehová, te ma ba la yac' ya sti'otic ta yehic!

⁷Colemotic loq'uel ta yaquil yu'unic, hich te bin ut'il ha'mal mut te col ta syac te jyaquiwejetic; tuch' te yaquil, hich loc'otic ta ahnel.

⁸Te coltayel cu'untic ay ta scuenta te sbihil Jehová, ha te la spas te ch'ulchan soc bahlumilal. C'ayoj yu'un mohel bahel ta Jerusalén.