Read Tzeltal Salmos 126 Bible Online

Salmos 126 - Tzeltal bible

Salmos 126

¹C'alal te Jehová la yac' suhtuc tal te jchuqueletic ta Sión, hichotic te bin ut'il mach'atic ya ya'iyic wayich.

²Bayel tse'ejinotic yu'un, soc te quetic noj ta c'ayojetic yu'un yalbeyel yutsil sc'oblal. Hich la yich' halel ta yohlil te nacionetic: ¡Te Jehová mero muc' bintic spasoj ta stojolic! xchihic.

³¡Melel, mero muc' bintic spasoj ta jtojoltic te Jehová! ¡Mero tse'el co'tantic yu'un!

⁴Jehová, ¡suhtesa talel te jchuqueletic cu'uncotic, hich te bin ut'il te uc'umetic ta Neguev!

⁵Te mach'atic yaquic ta oq'uel a ya sts'umbajic, soc yutsil yo'tanic a ya stsobeyic te site.

⁶Te mach'a yac ta oq'uel a ya xbehen bahel, te yich'oj bahel te sbac' sts'unub, tse'el yo'tan ya me suht talel, stombeyejix ya xtal te site. C'ayoj yu'un mohel bahel ta Jerusalén; yu'un Salomón.