Read Tzeltal Salmos 129 Bible Online

Salmos 129 - Tzeltal bible

Salmos 129

¹C'ayoj yu'un mohel bahel ta Jerusalén. Bayel la ya'bonic jwocol c'alal ta jqueremil to, hich ac'a yal te Israel,

²bayel la ya'bonic jwocol c'alal ta jqueremil to, pero ma ba la stsalonic.

³La sc'asesbonic arado ta jpat te mach'atic ya x'a'tej ta arado, naht cholol c'oht yu'unic.

⁴¡Pero te Jehová ha toj yo'tan stuquel, la stuch'be te lazo te schucojonic a te mach'atic chopolic!

⁵Ac'a yich'ic q'uexlaltesel soc ac'a suhtuc ta spatic spisil mach'atic ya sp'ajic Sión.

⁶Hich ac'a c'ohticuc te bin ut'il ha'mal colem ta jol na, te ya xtaquij te c'alal ma to xmuc'ub a;

⁷te ma ba noj sc'ab a te mach'a la stsob, o ma ba noj sc'ab a te mach'a la stom;

⁸soc ma hichuc ya xhalbotic yu'un te mach'atic ya xc'axic bahel: Ac'a c'ohtuc ta atojolic te bendición yu'un Jehová. ¡Ya ca'beyexcotic bendición ta scuenta sbihil te Jehová! ma me xchihuquic.