Read Tzeltal Salmos 13 Bible Online

Salmos 13 - Tzeltal bible

Salmos 13

¹Yu'un jach-c'ayoj. Ha salmo yu'un David. ¿Bin to ora, Jehová? ¿Spisil bal ora yac ach'ayon ta awo'tan? ¿Jayeb xan ora te yac anac' aba ta jtojol?

²¿Jayeb xan ora te ay wocol ta co'tan, te ya jmel co'tan jujun c'ahc'al? ¿Jayeb xan ora te ya ya'iy tsalaw ta jtojol te jcontrahe?

³Ilawilon, sutbon jc'op, Jehová, Dios cu'un; sacubtesbon q'uinal yu'un ya quil, scuenta yu'un ma ba ya xwayon yu'un lajel;

⁴scuenta yu'un ma hichuc ya yal te jcontra: La jtsalix, te xchihe. Tse'el yo'tanic te jcontratac teme ya xyahlone.

⁵Pero ha smuc'ulinej co'tan te sc'uxul awo'tan; tse'el co'tan yu'un te colel awu'une.

⁶Ya jc'ayojtay te Jehová como lec bin la spasbon.