Read Tzeltal Salmos 130 Bible Online

Salmos 130 - Tzeltal bible

Salmos 130

¹C'ayoj yu'un mohel bahel ta Jerusalén. C'alal ta sc'ubulil q'uinal ya cawtayat, Jehová.

²A'iybon jc'op, Jehová; a'iybon awa'iy te bin yacon ta yalel wocol ta atojol.

³Jehová, te yacuc awich' ta cuenta te muliletic, ¿mach'a ya xhu' te teq'uel ya xhil?

⁴Pero ay perdón ta atojol, scuenta yu'un ya x'ich'otat ta muc'.

⁵Ya jmahliy te Jehová, ya smahliy te jch'uhlel, ha ya smuc'ulin co'tan te sc'ope.

⁶Te jch'uhlel ya smahliy te Jehová, c'ax hich a te bin ut'il jcanan-pueblo ya smahliy te ya sacub q'uinal, c'ax hich a te bin ut'il jcanan-pueblo ya smahliy te ya sacub te q'uinale.

⁷Israel, ac'a smuc'ulin awo'tan te Jehová, como ay c'uxultayel yu'un, soc jc'axel ya x'ac'awan ta libre stuquel.

⁸Ha me ya yac' ta libre Israel yu'un spisil smul. C'ayoj yu'un mohel bahel ta Jerusalén; yu'un David.