Read Tzeltal Salmos 137 Bible Online

Salmos 137 - Tzeltal bible

Salmos 137

¹Ta ti' muc'ul-ha'etic ta Babilonia, la juhcan jbahtic soc la jcoq'uetay jbahtic te c'alal la jna'tic te Sión.

²La johc'antic ta sauce-te'etic te arpahetic cu'untique.

³Te mach'atic la yic'otic talel ta chuquel, la sc'anic te ya xc'ayojinotic tey a; te mach'atic la yuts'inotic la sc'anic te tse'eluc co'tantic; hich la yalic: C'ayojtaya ca'iycotic cha'oxcaj c'ayojetic yu'un Sión, xchihic.

⁴¿Bin ut'il ya xhu' ya jc'ayojtaybetic c'ayojetic yu'un Jehová ta sq'uinal jyanlumetic?

⁵Teme ya xch'ayat ta co'tan, Jerusalén, ac'a taquijuc te jwa'el-c'ab.

⁶Ac'a slap' sba ta jpa'jaj te cac' teme ma ba ya jna'at, teme ma ba c'ax hich ya jtoybe sc'oblal a te Jerusalén te bin ut'il te yutsil q'uinal ya ca'iy ho'on.

⁷Na'a me, Jehová, te edometic te hich la yalic c'alal jihn te Jerusalén, ¡Jinahic, jinahic c'alal ta yich'o-ip! te xchihique.

⁸Yal-snich'anat Babilonia, te yac awich' jinel, bayel me yutsil te mach'a ya ya'bat atoj te bintic la apasbotcotique.

⁹¡Bayel me yutsil te mach'a ya stsacbat te alaletic awu'un soc ya smajticlambat ta ton!