Read Tzeltal Salmos 141 Bible Online

Salmos 141 - Tzeltal bible

Salmos 141

¹Salmo yu'un David. Jehová, ya cawtayat; la' ta ora ta jtojol; a'iybon jc'op te c'alal ya jc'oponat.

²Ac'a mohuc bahel ta atojol hich te bin ut'il pom te bin ya calbat; te jc'ab te jachoj mohel ta atojol hich ac'a c'ohtuc te bin ut'il milbil mahtanil ta tibiltic.

³Jehová, a'bon ta canantayel que; canantaybon te sti'il que.

⁴Ma me xawac' te ya sc'an co'tante bin chopol, scuenta yu'un ya jpas te bin chopol soc te mach'atic ya spasic mulil; ma me xawac' te ya jwe' te we'elil te ya smulanique.

⁵Ac'a ya'bon castigo te mach'a toj yo'tan, lec ya ca'iy; pero ma me xyich' malel ta jol te aceite yu'un mach'atic chopolic, yu'un spisil ora ya jc'opon Dios ta scontrahinel te chopol ya'telique.

⁶Te jcuentahinwanejetic yu'unic ya me yich'ic ch'ojel cohel ta xuhc tonetic, ya me ya'iyic te ha smelelil te jc'ope.

⁷Hich te bin ut'il ya yich' ch'aquel ta top'el lum, hich la yich' puquel jbaqueltic ta sti'il muquenal, xchihic.

⁸Ha yu'un t'ojol jsit ta atojol, Cajwal Jehová; ya jnac' jba ta atojol, ma me xapihteson.

⁹Canantayawon te ma x'ochon ta yaquil te pasbil yu'unic, te syaquic te mach'atic chopol ya'telic.

¹⁰Ac'a yahluquic ta syaquic te mach'atic chopolic, te c'alal ya xc'axon bahel te ho'one.