Read Tzeltal Salmos 146 Bible Online

Salmos 146 - Tzeltal bible

Salmos 146

¹¡Aleluya! Jch'uhlel, halbeya yutsil sc'oblal te Jehová.

²Ya calbe yutsil sc'oblal Jehová ta spisil jcuxlejal; ya jc'ayojtaybe c'ayojetic te Dios cu'un te c'alal cuxulon to.

³Ma me xawac' smuc'ulin awo'tanic te winiquetic ay sc'oblalic, te snich'nab winic, yu'un ma xcoltaywan.

⁴Te c'alal ya xloc' sch'uhlel, ya suht ta ts'ubil lum; ha nix yorahil a ya xch'ay te bintic snopojique.

⁵Bayel me yutsil te mach'a ya xcoltayot yu'un te Dios yu'un Jacob, te ha smuc'ulinej yo'tan te Jehová te Dios yu'un,

⁶te la spas te ch'ulchan soc te bahlumilal, te mar soc spisil bintic ay tey a; te stalel melel bin ya yal;

⁷te toj ya schahpan te mach'atic ay ta uts'inel, te ya ya'be swe'elic te mach'atic ayic ta wi'nal. Te Jehová ya yac' ta libre te mach'atic chuculic;

⁸te Jehová ya sjambe sit te ts'o'sitetic; te Jehová ya stij hahchel te mach'atic nijajtic; te Jehová c'ux ta yo'tan te mach'atic toj yo'tanique.

⁹Te Jehová ya scanantay te jyanlumetic, ya ya'be bin ya xtuhun yu'un te me'ba' alaletic soc te me'ba' antsetic, yan te mach'atic chopolic ya showiytes ta be.

¹⁰Te Jehová ay ta ajwalil sbahtel q'uinal, ha te Dios awu'un, Sión, ta cajalcaj ts'umbalil. ¡Aleluya!