Read Tzeltal Salmos 26 Bible Online

Salmos 26 - Tzeltal bible

Salmos 26

¹Salmo yu'un David. Chahpanawon, Jehová, como toj te jcuxlejale; ma xyal xmohuc te smuc'ul co'tan ta stojol Jehová.

²Tsahtayawon, Jehová, pasawon ta prueba; pasbon ta prueba te jpensar soc te co'tan,

³como ay ta jtojol te sc'uxul awo'tan, soc ya xbehenon ta smelelil ac'op.

⁴Mayuc la juhcan jba soc jchebal-o'tanetic, ma ba la joquin te jbahbac'opetique.

⁵Ya quihlay te tsoblej yu'un te mach'atic chopol yo'tanic; mayuc bin ora la juhcan jba soc te mach'atic chopol sc'oblalique.

⁶Ya jpoc jc'ab ta scuenta te mayuc jmul, hich ya xbehenon ta sjoyobal te scajtajib ta chiq'uel mahtanil awu'un, Jehová,

⁷ta sc'ayojtaybeyel te yutsil ac'oblal soc ta yalbeyel sc'oblal te jchahp a'teliletic awu'une.

⁸C'ux ta co'tan te ana ta banti nahinemat, Jehová, te banti nahinem te awutsilale.

⁹Ma me pajaluc xapojbon jcuxlejal soc te jmulawiletic; ma me pajaluc xapojbon jcuxlejal soc te jmilawetic,

¹⁰te ay ta sc'abic bintic chopol, te nojel te swa'el sc'abic ta taq'uin yu'un chahpanwanej.

¹¹Yan te ho'one jun co'tan ya xbehenon; ac'awon ta libre soc c'uxultayawon.

¹²Te coc ay ta pamal q'uinal; ya calbe yutsil sc'oblal te Jehová ta banti stsoboj sbahic te ants-winiquetic.