Read Tzeltal Salmos 29 Bible Online

Salmos 29 - Tzeltal bible

Salmos 29

¹Salmo yu'un David. Halbeyahic te Jehová, ha'ex te ay awipic, halbeyahic sc'oblal te yutsilal soc yu'el te Jehová.

²Halbeyahic yutsil sbihil te Jehová hich te bin ut'il ya sc'an pasele; ch'uhuntayahic te Jehová ta scuenta ch'ultesel te c'ax t'ujbil.[9]

³Te sc'op Jehová ay ta sba te ha'etique. ¡Te Dios te ay yutsilal ya st'omtes sc'op, te Jehová ya st'omtes sc'op ta sba bayel ha'etic!

⁴Te sc'op Jehová ay yip; te sc'op Jehová ay yutsilal.

⁵Te sc'op Jehová ya swuyticlan te cedrohetic; te Jehová ya swuyticlan te cedrohetic yu'un Líbano.

⁶Ya yac' wihluc te Líbano hich te bin ut'il tut wacax, soc te Sirión hich te bin ut'il tut ha'mal wacax.

⁷Te sc'op Jehová ya sch'oj cohel yat c'ahc'.

⁸Te sc'op Jehová ya yac' nihcuc te jochol taquin q'uinal; te Jehová ya yac' nihcuc te jochol taquin q'uinal yu'un Cades.

⁹Te sc'op Jehová ya sbichticlambe te sc'ab jihte'etic soc watal ya xhil yu'un te tohyem te'etique. Spisilic ya yalbeyic yutsilal sc'oblal ta Templo yu'un.

¹⁰Te Jehová hucul ta shuctajib ta sba te snojel ha', te Jehová hucul scuenta ajwalil sbahtel q'uinal.

¹¹Te Jehová ya ya'be yip te pueblo yu'une; te Jehová ya ya'be bendición te pueblo yu'un ta scuenta lamal q'uinal. C'ayoj scuenta yaq'uel ta stojol Dios te Templo. Salmo yu'un David.