Read Tzeltal Salmos 36 Bible Online

Salmos 36 - Tzeltal bible

Salmos 36

¹Yu'un jach-c'ayoj. Ha salmo yu'un David, te ya'bat Jehová. Te mulil ya xc'opoj ta mero yutil yo'tan te mach'a chopol; mayuc ta xi'el te Dios ta sc'op.

²Muc' scuyoj sba ta sit, yu'un ya scuy te ma xchicnaj te smul soc ma ba ya yich' ihlayel.

³Te c'opetic ya xloc' ta ye ha chopol c'op soc lo'loywanej; hilix yu'un te sp'ijil soc spasel te bin leque.

⁴Ta swayib ya snopilan te bin chopol; ay ta banti ma lequil behuc, ma ba ya sp'aj te bin chopole.

⁵Te sc'uxul awo'tan, Jehová, ya xc'oht c'alal ta ch'ulchan, te stalel jun awo'tan ya sta c'ohel te tocale.

⁶Te stojil awo'tan hich c'ohem te bin ut'il te witsiltic yu'un Dios, te chahpanel awu'un hich ay te bin ut'il muc'ul xahab. Ha'at, Jehová, yac acanantay te ants-winiquetic soc te chambahlametique.

⁷¡Bayel yutsil, Dios cu'un, te sc'uxul awo'tan! Ha scuentahil te ants-winiquetic ya snac' sbahic ta yaxinal axic'.

⁸Ya xnoj sch'uhtic yu'un te bayel we'elil ta Ana; soc yac awa'be yuch'ic ha' ta muc'ul-ha' yu'un te bintic ay ta mulanel awu'une.

⁹Como ha'at ay ta acuenta te sloq'uib-ha' yu'un cuxlejal; ta sacal q'uinal awu'un ya quilcotic sacal q'uinal.

¹⁰Spisil ora ac'a sc'uxul awo'tan ta stojol te mach'atic ya sna'bat aba, soc te stojil awo'tan ta stojol te mach'atic toj yo'tanique.

¹¹Ma me stehc'on yoc te jtoybahil, ma me stenon bahel te sc'ab te mach'atic chopolique.

¹²Tey yahlic a te mach'atic chopol ya'telic, ¡la yich'ic jinel, ma xhu' shahchelic!