Read Tzeltal Salmos 4 Bible Online

Salmos 4 - Tzeltal bible

Salmos 4

¹Yu'un jach-c'ayoj; soc a'tejibaletic yu'un música te ay cuerda. Ha salmo yu'un David. ¡Jac'bon jc'op te c'alal ya x'awonon, Diosat cu'un, te toj bin yac apas ta jtojol! Te c'alal ayon ta wocol ha'at la awac' lahmajuc q'uinal ta jtojol. Na'bon yo'bolil jba soc tsacbon te jc'ope.

²Ants-winiquex, ¿jayeb xan ora te yac asutp'inic ta q'uexlal te cutsilal, te c'ux ta awo'tanic bintic mayuc scuentahil soc te yac alehic lot? Selah

³Na'ahic me te parte ac'bil yu'un Jehová te mach'a jun yo'tan ta stojol; te Jehová ya ya'iybon jc'op te c'alal ya jc'opon.

⁴¡Nihcanic me soc ma xata amulic! Na'a me awa'iyic ta awo'tanic te c'alal ayex ta awayibic, soc ch'abanic. Selah

⁵Ac'ahic stojil milbil mahtaniletic, soc ha ac'a smuc'ulin awo'tanic te Jehová.

⁶Tsobolic hich ya yalic: ¿Mach'a ya xhu' ya ya'botic quiltic te bin leque? xchihic. Jehová, ac'a tihluc ta jtojolcotic te sacal q'uinal yu'un asit awelaw.

⁷C'ax hich la awa'bon stse'elil co'tan a te bin ut'il mach'atic ay bayel trigo soc vino yu'unique.

⁸Lamal q'uinal a ya jmehtsan jba soc ya xwayon, como ha'at atuquel, Jehová, yac awac' te jun co'tan ya x'ayinon.