Read Tzeltal Salmos 43 Bible Online

Salmos 43 - Tzeltal bible

Salmos 43

¹Chahpanawon, Dios cu'un, c'opojan cu'un ta stojol te pueblo te ma sch'uhunejat; ac'awon ta libre ta stojol mach'a jlo'loywanej soc chopol.

²Ha'at te Diosat te ahnibalat cu'un, ¿bin yu'un la ach'ayonix ta awo'tan? ¿Bin yu'un ayon ta mel-o'tan ta scaj te uts'inel yu'un te jcontrahe?

³Ticona tal te sacal q'uinal soc te smelelil c'op awu'une; ha ya stojobtesonic ta be, ha ya stojobtesonic bahel ta ch'ul wits awu'un, ta banti nahinemat.

⁴Ya xnohpojon bahel ta stojol te scajtajib ta chiq'uel mahtanil yu'un Dios, ta stojol te Dios te ha tse'el co'tan soc te ha yutsil q'uinal ya ca'iy yu'un. Ya jc'ayojtayat soc arpa, Dios, Diosat cu'un.

⁵¿Bin yu'un ya xlaj awip, jch'uhlel, soc te ayat ta mel-o'tan? Ac'a smuc'ulin awo'tan te Diose, yu'un ya to calbe xan yutsil sc'oblal, te Jcoltaywanej soc te Dios cu'une.