Read Tzeltal Salmos 46 Bible Online

Salmos 46 - Tzeltal bible

Salmos 46

¹Yu'un jach-c'ayoj. Yu'un te snich'nab Coré. Salmo sc'oblal Alamot.[14] Te Diose ha ahnibal cu'untic soc ha quiptic, ha ya scoltayotic ta ora te c'alal ay jwocoltic.

²Ha yu'un ma ba ya xiwotic, aunque ya xyanij yawil te lumq'uinal, aunque ya xmuhl ta mar te witsetique,

³aunque tulan ya xc'opoj soc ya xbuhlan te ha'etic, soc ya syuq'uilan sbahic te witsetic yu'un te yipe. Selah

⁴Ay muc'ul-ha' te ya ya'be yutsilal te pueblo yu'un Dios, ha te ch'ul awilal banti ya xnahin te Mach'a toyol ay.

⁵Te Dios ay ta yohlil te pueblo, ma ba ya stsalot; Dios me ya xcoltayot yu'un ta sacubel q'uinal.

⁶Ya x'awonic te nacionetic, ya xnihquic ban c'alal scuentahinejic; tulan c'opoj te Diose, uhl bahel yu'un te q'uinale.

⁷¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah

⁸La', ilawilic te a'teliletic yu'un Jehová, ha te jinel te yac'oj ta q'uinal.

⁹Jc'axel ya yac' quehchajuc guerrahetic c'alal ta sti'il bahlumilal; ya swac' te t'ihmalte' soc te lanza, soc ya schic' ta c'ahc' te carretahetic yu'un guerra.

¹⁰Lahmana me abahic, na'ahic me te ho'on Dioson; ya me xtohy jc'oblal ta yohlil te nacionetic, ya me xtohy jc'oblal ta bahlumilal, xchi te Diose.

¹¹¡Sjoquinejotic te Jehová te scuentahinej spisil! ¡Ha ahnibal cu'untic te Dios yu'un Jacob! Selah