Read Tzeltal Salmos 56 Bible Online

Salmos 56 - Tzeltal bible

Salmos 56

¹Yu'un jach-c'ayoj. Ha sc'ayojil: Te stsuhmut ta hi'te'etic te namal ay. Mictam yu'un David, te c'alal tsacot yu'un te filisteohetic ta Gat. C'uxultayawon, Dios cu'un, yu'un ay mach'atic yac snutsbelonic; spisil ora ya ya'bonic guerra.

²Spisil ora ya sts'ots'otec'onic te jcontratac; bayel te mach'atic ya ya'bonic guerra ta scuenta stoybahilic.

³Te c'alal ya xtal xiwel ta co'tan, ha'at ya smuc'ulinat co'tan.

⁴Ha ya smuc'ulin co'tan te Diose, soc ya calbe yutsil sc'oblal te sc'ope; ha ya smuc'ulin co'tan te Diose, ma ba ya xiwon. ¿Bin ya xhu' ya spasbon te winique?

⁵Spisil ora ya syanijtesbonic te jc'ope; ha nax ya snopic te bin ya yut ya ya'bonic jwocol.

⁶Ya stsob sbahic ta schapel, ya snac' sbahic, t'ojol sitic yilbelonic banti ya xbohon, yac smahliybelic te bin ora ya xhu' ya smilonic.

⁷¡A'beya stojic te bin chopol spasojic, Dios cu'un, jina te pueblohetic ta scuenta awilimba!

⁸Ahtaybil awu'un te jayeb buelta ahnemon, tsoba ta yawil awu'un te ya'lel jsit; ¿Ma bal ts'ihbabiluc ta libro awu'un?

⁹Hich ya yich'ic suhtel bahel te jcontratac te c'alal ya jc'an jcoltayel awu'un. Hich jna'oj: Te lec yo'tan Dios ta jtojol.

¹⁰Ha ya smuc'ulin co'tan te Diose, soc ya calbe yutsil sc'oblal te sc'ope, ha ya smuc'ulin co'tan te Jehová, soc ya calbe yutsil sc'oblal te sc'ope,

¹¹ha ya smuc'ulin co'tan te Diose, ma ba ya xiwon. ¿Bin ya xhu' ya spasbon te winique?

¹²Dios cu'un, ay ta jtojol te bintic calbeyejat ta jamal; ya ca'bat amahtan yu'un yalel wocol ta atojol,

¹³como ha'at la acoltaybon jch'uhlel ta lajel soc te ma ba ya xyahlon, scuenta yu'un hich ya xbehenon ta stojol Dios ta sacal q'uinal yu'un cuxlejal.