Read Tzeltal Salmos 58 Bible Online

Salmos 58 - Tzeltal bible

Salmos 58

¹Yu'un jach-c'ayoj. Ha sc'ayojil: Ma me xajin. Mictam yu'un David. Ha'ex te ay awipic, ¿toj bal bin yac awalic? ¿Stojil bal yac achahpanic ants-winiquetic?

²Ma'uc, yac anopic ta awo'tanic te bin chopol, yac awaq'uic ta pasel ta ac'abic uts'inwanej ta q'uinal.

³Ta yalalil to howiyemic te mach'atic chopolic; c'alal ta sch'uht snan howiyemic, ya ya'iyic lot.

⁴Te svenenohilic pajal soc svenenohil ye chan; hich c'ohemic te bin ut'il ti'awal chan te ya smac schiquin,

⁵te ma xya'iy te sc'op te mach'a ya xmonot yu'une, aunque mero ya xhu' yu'un te mach'a ya xmonawan.

⁶Dios cu'un, wac'beya te sbaquel yehic; Jehová, wac'beya te scha'am te chojetique.

⁷Ac'a ch'ayuquic hich te bin ut'il ha' te ya x'oquin bahel; c'alal ya st'imic bahel te ya'tejibalul st'ihmalte'ic ac'a wac'uquic.

⁸Ac'a uhluc hich te bin ut'il ya x'uhl ya'lel sni' puy; ma me xyilic te c'ahc'al, hich te bin ut'il alal te chamen ya x'ayin.

⁹Te c'alal ma to xya'iybe sq'uixinal te sc'ahc'al ch'ixetic te oxometic awu'un, te yaxubenic o taquijemic, ya me smes bahel ta tulan ic' te mach'atic chopolic.[20]

¹⁰Tse'el yo'tanic te mach'a toj yo'tan te c'alal ya yilic te ya x'a'botic spacol; ya me smul yoquic ta sch'ich'el te mach'a chopole.

¹¹Hich me ya yal te winiquetic: Melel nix a ay spremio te mach'a toj yo'tan; melel ay Dios te stojil ya xchahpanwan ta q'uinal, xchihic.