Read Tzeltal Salmos 6 Bible Online

Salmos 6 - Tzeltal bible

Salmos 6

¹Yu'un jach-c'ayoj; ta scuenta waxaqueb cuerda. Ha salmo yu'un David. Jehová, ma me socuc awilimba yac awuton, ma me socuc sc'ahc'al awo'tan yac awa'bon castigo.

²C'uxultayawon, Jehová, yu'un ayon ta chamel; lecubtesawon, Jehová, yu'un ya snihc sbahic te jbaquele.

³Ha nix hich ya spich' sba co'tan; ¿bin to ora, Jehová?

⁴Suhtan tal, Jehová, coltaybon te jcuxlejal. ¡Coltayawon ta scuenta te sc'uxul awo'tan!

⁵como mayuc mach'a chamenix a te ya to sna'at xan; ta muquenal ¿mach'a ya yalbat lec ac'oblal?

⁶Lubenonix yu'un ahcan; jujun ahc'abal ya xnoj ta ya'lel jsit te jwayib, ya xt'ux jwayib yu'un.

⁷Ya xlaj yip jsit ta scaj mel-o'tan; ya xmahc jsit ta scaj spisil te jcontratac.

⁸¡Loc'anic ta jtojol, apisilic te chopol awa'telic, como te Jehová la ya'iybonix te coq'uele!

⁹Te Jehová la ya'iyix te bin la jc'ambe, la stsacbonix jc'op te Jehová.

¹⁰Ya me xq'uexawanic soc bayel me ya xiwic spisil te jcontratac; ya me suhtic bahel soc ora nax ya me stahic q'uexlal.