Read Tzeltal Salmos 63 Bible Online

Salmos 63 - Tzeltal bible

Salmos 63

¹¡Dios cu'un, ha'at Diosat cu'un, soc spisil co'tan ya jlehat! Mero taquin co'tan ta atojol, hich ya sc'anat te jbaq'uetal te bin ut'il taquin q'uinal te banti mayuc ya'lel.

²La jquilat ta ch'ul awilal, la jquilbat awu'el soc awutsilal.

³Como te sc'uxul awo'tan c'ax lec xan a te bin ut'il te cuxlejale, ya calbat yutsil ac'oblal ta que.

⁴Te jayeb c'ahc'al cuxulon ya calbat awutsilal, ya jach jc'ab ta scuenta te abihile.

⁵Bayel ya sta swe'el te jch'uhlel hich te bin ut'il ta banti lequil chahpambil we'elil, ta scuenta bayel yutsil q'uinal ya ca'iy, ya calbat yutsil ac'oblal,

⁶te c'alal ya jna'at ta jwayib, te c'alal ya jna'ulanat te jujun buelta ya sjel sbahic jcananetic ta ahc'abal;

⁷como ha'at jcoltaywanejat cu'un, hich tse'el co'tan ya xc'ayojinon ta ye'tal axic'.

⁸Te jch'uhlel jun ayat soc; atsacojon ta awa'el-c'ab.

⁹Te mach'atic ya sc'an ya smilonic, ya me xyahlic cohel ta sc'ubulil q'uinal.

¹⁰Ya me xlajic ta espada, ya me xwe'otic yu'un ha'mal ts'i'etic.

¹¹Pero te ajwalil tse'el me yo'tan ta stojol Dios; ya xhalbot yutsil sc'oblal yu'un te mach'atic ay bin ya yalic ta jamal ta stojol Dios; pero te mach'atic ya ya'iyic lot ya me yich'ic macbeyel yehic stuquelic.