Read Tzeltal Salmos 64 Bible Online

Salmos 64 - Tzeltal bible

Salmos 64

¹Yu'un jach-c'ayoj. Salmo yu'un David. Dios cu'un, a'iybon me jc'op te ya cac' jparte ta atojol; canantaybon jcuxlejal ta stojol te jcontratac te ya yaq'uic xiwel.

²Nac'awon ta stojol te bin muquen ya schapic te mach'atic chopolic, ta stojol te bin ya snopic te mach'atic ya spasic bin chopol,

³te ya shuxbe ye te yaq'uic hich te bin ut'il espada, soc ya st'imic bahel sc'opic te ay svenenohil hich te bin ut'il ya'tejibal t'ihmalte',

⁴yu'un muquen ya st'imbeyic bahel te mach'a mayuc bin snopoje; ch'ayal yo'tanic a ya ya'beyic, ma xi'ic.

⁵Stalel ay yip yo'tanic ta spasel te bin chopol, ya schapic bin ut'il ya yaq'uic yaquil te ma xchicnaj ta ilele; ya yalic: ¿Mach'a ya yil? xchihic.

⁶Ya snopic te bin ma tojuc, hich ya yalic: Chahpambil ta lec cu'untic, xchihic. Ma xhu' ta na'el te bin snopoj ta yo'tan te ants-winiquetique.

⁷Pero Dios me ya yehchenteslan ta ya'tejibalul st'ihmalte'; ch'ayal me yo'tanic a ya x'ehchentesotic.

⁸Ha ni me ya xyahltesotic yu'un te sc'opique. Spisil te mach'atic ya yilic ya me slabanic.

⁹Hich spisil ants-winiquetic ya me xi'ic, ya me yalic te a'teliletic yu'un Dios soc ya me sna'ulanic te bintic spasoje.

¹⁰Tse'el me yo'tan ta stojol Jehová te mach'a toj yo'tan soc ha ya smuc'ulin yo'tan; spisil te mach'atic toj yo'tanic, bayel me yutsil yo'tanic.