Read Tzeltal Salmos 65 Bible Online

Salmos 65 - Tzeltal bible

Salmos 65

¹Yu'un jach-c'ayoj. Salmo yu'un David. Dios cu'un, ha'at awu'un te ya yich' halbeyel yutsil ac'oblal ta Sión, ya me xc'oht ta pasel cu'uncotic te bintic calojcotic ta atojole.

²Ha'at yac awa'iybe sc'op te mach'a ya sc'oponat, spisilic ya xtalic ta atojol.

³Te c'alal la yu'untayotcotic te bintic chopol, ha'at la apasbotic perdón yu'un te jmulcotique.

⁴Bayel me yutsil te mach'a tsahbil awu'un soc te yac awic' tal ta ats'ehl yu'un ya xnahin ta amaq'uetic awu'un. Bayel bintic ya jtahcotic yu'un te bintic ay ta Ana, ha te ch'ul Templo awu'une.

⁵Ha'at Diosat yu'un te jcolelcotic yac ajac' jc'opcotic ta buen t'ujbil a'teliletic te stojil ayic, ha'at te smuc'ulat yo'tanic spisilic c'alal ta sti'il bahlumilal soc ta namal sti'il mar;

⁶ha'at te awa'beyej yipic te witsiltic ta scuenta awu'el, te bin ut'il alapoj awu'ele;

⁷te yac acom te xnilet te mar, te xnilet te stselajan mar, soc te xjuyet yu'un te nacionetique.

⁸Ha yu'un te mach'atic nahinemic ta namal ya xi'ic te jchahp a'teliltic awu'une. Ha'at yac awac' c'ayojinuc banti ya xloc' tal c'ahc'al c'alal banti ya xmahl bahel.

⁹Ha'at yac acanantay te lumq'uinal soc yac awa'be ya'lel; bayel bintic yac awac'tilambe. Te be-ha'etic yu'un Dios nojel ta ha' yu'un yac awac'tilambe te trigo yu'unic, yu'un hich chahpambil awu'un.

¹⁰Yac awahts'es ta chohlolchohl te chahpambil lumq'uinal, yac awac' te ya xbehen ha' ta be-ha'etic yu'unic, yac ac'unubtes ta ha'al soc yac awa'be bendición te bin ya xcol tey a.

¹¹Ha'at yac acoronahin te ha'bil ta bayel bintic ay awu'un, ta tocaletic awu'un[21] ya xt'uhlaj cohel juhp'elal.

¹²Ya xyaxubic te aquiltic ta jochol taquin q'uinal soc bayel yutsil yo'tanic te tsehletique.

¹³Te spamlejetic nojelic ta tuminchijetic soc tentsunetic, te sjuclejetic sc'u'inejic trigo; ya x'awonic ta scuenta yutsil q'uinal ya ya'iyic soc ya xc'ayojinic.