Read Tzeltal Salmos 70 Bible Online

Salmos 70 - Tzeltal bible

Salmos 70

¹Yu'un jach-c'ayoj. Ha salmo yu'un David, scuenta sna'el. Dios cu'un, la', ac'awon ta libre; Jehová, la' coltayawon ta ora.

²Ac'a q'uexawanuquic soc ac'a howiyuquic te mach'atic ya sc'an ya smilonique. Ac'a suhtuc ta spatic soc ac'a q'uexawanuquic te mach'atic chopol bin ya sc'an ya spasbonic.

³Ac'a suhtuc ta spatic ta scaj sq'uexlalic te mach'atic ya slabanonic.

⁴Pero spisil te mach'atic ya slehat, tse'eluc me yo'tanic soc ayuc yutsil yo'tanic ta atojol. Soc hich ac'a yalic spisil ora te mach'atic c'ux ta yo'tanic te colel awu'un: ¡Ac'a tohyuc sc'oblal te Diose! xchihuquic.

⁵Te ho'on pobre ayon soc ay jwocol; la' me ta ora, Dios cu'un. Ha'at jcoltaywanejat cu'un soc yac awac'on ta libre; ¡Jehová, ma me xhalajat!