Read Tzeltal Salmos 76 Bible Online

Salmos 76 - Tzeltal bible

Salmos 76

¹Yu'un jach-c'ayoj; soc a'tejibaletic yu'un c'ayoj. Salmo yu'un Asaf. Te Dios na'bil sba ta Judá; ha muc' sc'oblal te sbihil ta Israel.

²Ay ta Salem te nahilpac' yu'un, ay ta Sión banti ya xnahin.

³Tey la sc'ajticlan a te a'tejibaletic yu'un t'ihmalte', te mahquilaletic, espadahetic soc te a'tejibaletic yu'un guerra. Selah

⁴Ha'at ay awutsilal atuquel, c'ax hich smuc'ul awutsilal a te bin ut'il yutsilal te witsiltic yu'un nutsojel.

⁵Te mach'atic ay yip yo'tanic la yich'ic pojbeyel sbiluquic, wayic yu'un slajibal buelta; mayuc bin hu' yu'unic spasel jtuhluc winic te ay yipe.

⁶Diosat yu'un Jacob, te bin ut'il la awut te carreta soc te cawu ma ba la snihc sbahic.

⁷¡Ha'at xi'bilat atuquel! ¿Mach'a c'an hu'uc yu'un te ya stehc'an sba ta atojol te c'alal ya xtihl awilimba?

⁸C'alal ta ch'ulchan la awac' ta a'iyel te chahpanel awu'une; te bahlumilal la xi' soc la slahman sba

⁹te c'alal hahchat ta chahpanwanej, Dios cu'un, ta scoltayel spisil mach'atic ay swocolic ta bahlumilal. Selah

¹⁰Melel te yilimba winic ya sutp'ij ta yutsil ac'oblal; ha'at yac acom te mach'atic cuxul ya xhilic yu'un awilimba.

¹¹Chapa ac'opic soc Jehová te Dios awu'unic soc c'ohtesahic ta pasel; spisilic te ayic ta sjoyobal ac'a yich'ic tal mahtaniletic ta stojol te Mach'a ay ta xi'el.

¹²Ha ya slajimbe yip yo'tanic te yal-snich'nab ajwaliletic; ha xi'bil yu'un te ajwaliletic ta bahlumilal.