Read Tzeltal Salmos 8 Bible Online

Salmos 8 - Tzeltal bible

Salmos 8

¹Yu'un jach-c'ayoj; ta scuenta Gitit.[1] Ha salmo yu'un David. ¡Jehová, Ajwalilat cu'uncotic, c'ax bayel yutsil abihil ta swohlol bahlumilal! ¡Awac'oj awutsilal ta stoyolil ch'ulchan!

²Ta scuenta bin ya yalic te alaletic, te alaletic te ya to schu'unic, la apas ahnibal ts'ahc ta scaj te acontratac, scuenta yu'un ya xch'ab te jcontrahinwanej soc te mach'a ya spac sc'abal.

³C'alal ya quil te ch'ulchan awu'un, te ya'tel ac'ab, soc te u soc te eq'uetic te apasoje,

⁴hich ya cal: ¿Bin a te ants-winic yu'un yac ana', te yal-snich'an ants-winic yu'un yac acanantay?

⁵Jteb ma pajaluc soc ch'ul a'batetic[2] la apas, la awa'be scoronahin yutsilal soc ich'el ta muc'.

⁶La awa'be scuentahimbat te bintic apasticlanej ta ac'ab, la awa'be spisil ta ye'tal yoc:

⁷spisil tuminchijetic soc wacaxetic, soc te ha'mal chambahlametic,

⁸te mutetic te ya xwihlic ta toyol, te chayetic ta ha', spisil te bintic ya xbehenic ta mar.

⁹¡Jehová, Ajwalilat cu'uncotic, c'ax bayel yutsil abihil ta swohlol bahlumilal!