Read Tzeltal Salmos 82 Bible Online

Salmos 82 - Tzeltal bible

Salmos 82

¹Salmo yu'un Asaf. Te Dios ay ta yohlil te tsoblej yu'un te diosetic; ta yohlil te diosetic ya xchahpanwan.

²Hich ya yal: ¿Jayeb xan ora te ma stojiluc yac achahpanic, te lec awo'tanic ta stojol mach'atic chopolic? Selah

³C'opojanic yu'un te mach'a mayuc yip soc yu'un te me'ba'; pasa te bin stojil ta pasel ta stojol te mach'a ay swocol soc te mach'a mayuc bin ay yu'un.

⁴Coltayahic te mach'a mayuc yip soc te mayuc bin ay yu'un; coltayahic loq'uel ta sc'abic te mach'atic chopolique.

⁵Ma sna'ic, ma xc'oht ta yo'tanic, ya xbehenic ta yihc'al q'uinal; ya xnihquic spisil te yich'o-ip te lumq'uinale.

⁶Hich la jcal: Ha'ex diosex, apisilic yal-snich'anex te Mach'a toyol ay.

⁷Pero hich me ya xchamex te bin ut'il ants-winiquetic, hich ya xyahlex te bin ut'il príncipaletic, xchi te Diose.

⁸¡Hahchan, Dios cu'un, chahpana te mach'atic ayic ta q'uinal, como ha'at awu'un spisil te nacionetique!