Read Tzeltal Salmos 85 Bible Online

Salmos 85 - Tzeltal bible

Salmos 85

¹Yu'un jach-c'ayoj. Ha salmo yu'un te snich'nab Coré. Jehová, lec awo'tan ta stojol te lumq'uinal awu'un; la awac' te suht xan tal ta chuquel te Jacob.[25]

²La apasbe perdón yu'un smul te pueblo awu'un; la amucbe ta asit spisil te smulique. Selah

³La awac' lahmajuc spisil te sc'ahc'al awo'tan, la awihquitay hilel te tulan awilimba.

⁴Cha'lecubtesawotcotic, Diosat yu'un te jcolelcotic, ac'a lahmajuc awilimba ta jtojolcotic.

⁵¿Ya bal awilintayotcotic spisil ora? ¿Ya bal awac' te ya xhalaj awilimba ta cajalcaj ts'umbalil?

⁶¿Ma bal yacuc awac' xan jcuxlejalcotic, scuenta yu'un hich tse'el yo'tan ta atojol a te pueblo awu'une?

⁷¡Jehová, ac'a quilcotic te sc'uxul awo'tan, a'botcotic te colel awu'une!

⁸Ya me ca'iy te bin ya yal te Jehová Dios, yu'un ya yalbe sc'oblal lamal q'uinal te pueblo yu'un, ha te mach'atic yu'un te ch'uhltesbilic, scuenta yu'un ma ba ya scha'pasic xan te bin scuenta sohquejolal.

⁹Melel nopol ay colel yu'un ta stojol te mach'atic ya yich'ic ta muc', scuenta yu'un ya xnahin ta jlumaltic te yutsilal.

¹⁰Ya sta sbahic te c'uxul-o'tanil soc te bin smelelil, ya yuhts'uy sbahic te toj-o'tanil soc te lamal-o'tanil.

¹¹Ya xch'ihy tal ta lumq'uinal te bin smelelil, soc ya yil cohel tal ta ch'ulchan te toj-o'tanil.

¹²Te Jehová ya me yac' te bin lec, hich ya sitin te lumq'uinal cu'untique.

¹³Te toj-o'tanil ya xnahilij bahel ta stojol, ya schahpambe te sbe te Diose.